EH Bildu, erabakitzeko eskubideaz EAJrekin akordioak lotzeko prest
Hasier Arraiz EH Bilduko legebiltzarkideak baieztatu duenez, koalizioa prest dago EAJrekin, idatziz, "balizko akordio bat" sinatzeko, "Euskal Herrian erabakitzeko eskubidearen inguruan" prozesu bat gauzatzeko.
Arraizek horrela erantzun dio Joseba Egibar buruzagi jeltzaleak, atzo, Radio Euskadin egindako adierazpenei. Egibarrek adierazi zuen jeltzaleak eta koalizio abertzaleak betebeharra dutela "gutxieneko batzuk eta oinarri politikoak" adosteko.
EH Bilduko kideak Donostian prentsaurrekoa eskaini du eta, bertan, urtarrilaren 10erako Sarek Bilbon deituriko manifestazioa ere hizpide izan du. Bera Bilboko manifestazioan izango dela baieztatu du, baina ez du uste, iaz bezala, Joseba Egibar jeltzalea bertan izango denik.
"Gustatuko litzaidake alderdien siglek lubaki izateari uztea, eta alderdi bakoitzak garrantzitsuena dena presazkoena dela irizten dionaren gainetik jartzea", gaineratu du EH Bilduko buruzagiak. Horren esanetan, presoen giza eskubideek eta dispertsioaren amaierak hainbeste merezi du.
Hori dela eta, EAJko oinarri sozialari dei egin dio EH Bilduko oinarriarekin indarrak batzeko, beste gaien artean, Euskal Herriko gehiengo sozialak eskatzen duena posible egiteko.
Koalizio abertzaleak EAJrekin duen harremanaz galdetuta, Arraizek azaldu du "aurrerapausoak" eman direla; izan ere, "irekita jarraitzen duen kanal bat zabaldu izanak etorkizunerako aukerak zabaltzen ditu".
"Etorkizun hori, etorkizun hurbila izatea gustatuko litzaiguek askori, baina hori ez da gure eskuetan soilik", adierazi du Arraizek. Itxaropentsu mintzatu da, eta lehenago edo geroago, Euskal Herriko alderdi nagusienen artean "estatu akordioak" itxiko direla azpimarratu du.
Arraizek etorkizuneko aliatu gisa ikusten du Ahal Dugu alderdia
Ahal Dugu alderdiak 2015eko udal eta foru hauteskundeetan izan dezakeen balizko parte-hartzeaz galdetuta, aitortu du lehiakide bat gehiago izango dela, baina etorkizunerako ere aliatu izan daitekeela azpimarratu du.
"Ahal Duguk, fenomeno mediatiko izatetik alderdi politiko izatera pasatzen denean, erabakitzeko eskubidearen aldeko eta Euskal Herriko hiritarren eskubide sozialen aldeko printzipioei eusten badiei, lankidetza eta akordio guneak ezartzea posible izango dela uste dut", nabarmendu du. Dena den, aitortu du une honetan ez dakiela zein izango den Ahal Duguren jarrera erabakitzeko eskubidearen eta prozesu eratzaile baten inguruan.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.