Uribetxebarriaren heriotza espetxe politikari egotzi dio Sortuk
Pernando Barrena Sortu bozeramaileak espetxe politikari egotzi dio Josu Uribetxebarria presoaren heriotza, eta sakabanaketa eta presoak jasotako "mediku arreta negargarria" salatu ditu.
Uribetxebarria Bolinagak minbizia zeukan eta espetxetik kanpo zegoen 2012ko irailetik, Auzitegi Nazionalak "arrazoi humanitarioak" argudiatuta aske geratzeko agindua eman zuenetik.
Twitterren botatako txio batean espetxe politikari egotzi dio Barrenak Uribetxebarriaren heriotza eta sakabanaketa eta presoak jasotako "mediku arreta negargarria" salatu ditu
Bestalde, Joseba Egibar EAJren GBBko presidenteak agertu duenez, "heriotza guztiak dira deitoragarriak". Uribetxebarria aske uztearen erabakia "arrazoizkoa" izan dela agerian geratu da, buruzagi jeltzalearen aburuz.
"Heriotza guztiak dira deitoragarriak, eta kasu honetan, azken bi urteetan polemika handia egon da kasu honen inguruan. Behintzat, argi geratu dena da aske uztea arrazoizko erabakia izan zela", adierazi du Euskadi Irratiari eskainitako elkarrizketa batean.
Buruzagi jeltzaleak gogorarazi duenez, azken asteetan "bere egoeraren inguruko kritikak areagotu egin dira eta espetxera bueltatu behar zela esan zuten askok. Bada hor dago albistea. Ez du atzera bueltarik", nabarmendu du.
PP: "Zuzenbide Estatuaren eskuzabaltasuna agerian geratu da"
Nerea Llanos Euskadiko Alderdi Popularraren idazkari nagusiak nabarmendu duenez, Uribetxebarria etxean hil izanak "agerian utzi du Zuzenbide Estatuaren eskuzabaltasun eta objetibotasuna".
"Zuzenbide Estatuaren eskuzabaltasuna" ezker abertzaleak erakutsi ohi duen jarrerarekin alderatu du Llanosek Bilbon eskainitako prentsaurreko batean. "Ezker abertzaleak Zuzenbide Estatua kritikatzen du beti eta zapaltzailetzat jotzen du", erantsi du.
"Krimen higuingarriak egin dituen Bolinaga jauna etxean hil ahal izateak agerian utzi du Zuzenbide Estatuaren eskuzabaltasuna, berak ez zuen halakorik erakutsi bere biktimekiko", azpimarratu du buruzagi popularrak.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.