Dena ETA delako teoriari eusten dio Espainiako Gobernuak, EAJren ustez
Joseba Egibar EAJren legebiltzarkideak dena ETA dela dioen teoriari eustea leporatu dio Mariano Rajoyren Gobernuari, astelehenean talde terroristarekin kolaboratzea egotzita abokatuen kolektiboaren kontra abiarazitako operazioaren ildotik.
Radio Euskadin egindako elkarrizketa batean, EAJ, PSE-EE eta PP alderdien ordezkariek EH Bilduk aurkeztutako proposamenaren kontra jarritako zuzenketak azaldu dituzte. Proposamen horretan, ETAko presoen abokatuen ustezko sare ekonomikoaren kontra egindako operazioa salatzeko eskatu du koalizioak.
Egibarren esanetan, jeltzaleek ?kritika horretaz harago? joango den proposamena babestuko dute, bake bidearekin eta elkarbizitzarekin konpromisoa eskatzeko.
GBBren presidentearen arabera, Jorge Fernandez Diaz Barne ministroak ?zuhurtziagabekeriaz? jokatu du ?mundu guztia banda terrorista baten kide dela egoztean?, azken operazioan atxilotutakoen kontrako akusazioak direla eta.
Era berean, Oskar Matute EH Bilduren ordezkariaren iritzian, 'Mate' operazioak ?ez ditu Estatu demokratiko baten oinarrizko estandarrak? bete eta euskal gizarteak ?ez du uste dena ETA denik?.
Matutek gaineratu duenez, ?Estatu espainiarrak prebarikazioa egin du? Kepa Pikabea ETAko kidearen zigorrak pilatzearen inguruaren kontra egitean, Europar Batasunak egindako ebazpen bat ?saihesteko? asmoz.
Jose Antonio Pastor PSE-EEren bozeramalearen hitzetan, bere alderdiak atxilotuen kontrako ?inputazioak eta atxilotzeko arrazoiak argitzeko? eskatzeko aurkeztu ditu zuzenketak. Gainera, epailearen aginduaren xehetasunak jakinarazteko ere eskatu du
Azkenik, Laura Garrido PPren legebitlzarkideak ziurtatu duenez, ?ETAk ez du baldintzarik gabe desegiteko inolako asmorik, eta horregatik, Estatuak organizazio hori jazartzeko lanetan diharduko du?, esaterako, Euskadin Guardia Zibilak egindako azken operazioaren modukoak eginez.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.