CCOOk, ELAk eta LABek ez dute Angel Toña salatzeko arrazoirik ikusten
Ainhoa Etxaide LABeko idazkari nagusiak esan du sindikatua ez zela Angel Toñaren inhabilitazioa ekarri duen salaketara gehitu, Enplegu sailburu berriaren jarduera “ez zelako okerra izan”.
Epaia hitzez hitz irakurri ez badu ere, Ainhoa Etxaidek esan du LAB sindikatua “lan-gatazka luze eta korapilatsu” horretan izan dela hasieratik.
Sindikatuak ez du ikusi Toñak konkurtso-administratzaile lanetan egindakoak inolako akatsik, ezta salaketa jartzeko arrazoirik.
Etxaidek azaldu du ehundik gora langileko enpresa horretan, bost direla salaketa jarri zutenak.
Sailburu izendatu berriak “konkurtso-legea ez betetzea” eta, hortaz, “langileen alde” egin zuela zehaztu du LABek, eta, ondorioz, ez du begi onez ikusi Toña zigortu izana.
Hala ere, legea bete ez badu, “logikotzat” jo du Toña inhabilitatzea. Sailburuak azalpenak eman beharko dituela gaineratu du, baina ez dute Toñaren izendapena horregatik “desegokitzat” jo.
ELAk ez du Toñak konkurtso administratzaile gisa egindako lana gaitzesteko arrazoirik ikusten
ELA sindikatuak asteazken honetan adierazi du ez duela Angel Toña sailburuak, Fundifes, Otsaila 21 eta Bator Gestion 2014 enpresetako konkurtso administratzaile gisa, egindako lana "gaitzesteko arrazoirik" ikusten. ELAren esanetan, proiektu industriala salbatzeko eta ahalik eta lanpostu gehienei eusteko erabakiak hartu zituen. Hala ere, "zoritxarrez", helburu hori lortzea "ezinezkoa" izan zela deitoratu du ELAk.
Ohar batean, ELAk azaldu du Fundifes enpresako gatazka "oso zaila" dela eta izan dela. Gaineratu duenez, bidean kontrako interesek talka egin dute "enpresa proiektu bat defendatzen genuen eta enpresako lurzoruarekin konponbide espelukatiboa nahiago zutenen artean".
Sindikatuak azaldu duenez, "testuinguru zail horretan", konkurtso administratzaileek (tartean, orain Eusko Jaurlaritzako Enplegu sailburua dena) "balizko industria proiektua salbatzeko beharrezko erabakiak hartu zituzten".
CCOO: “Kasua dezente puztu dute”
Administratzailea izateko inhabilitazioak kargudun publiko gisa jarduteko debekua ezartzeko nahikoa ez dela uste du Unai Sordo Euskadiko CCOOren idazkari nagusiak.
Sordoren hitzetan, kasua “dezente puztu” dute; izan ere, “antza denez”, langileei kalte-ordaina pagatzeko lehentasuna izan zuen Toñak. Ondorioz, “etikoki gaitzesgarria” ez dela uste du sindikalistak.
Hala ere, inhabilitazioa “araudiaren baitan” dagoela azaldu du Sordok, baina konkurtso administratzaile karguari mugatuta dago soilik. “Kargu publikoa debekatzeko arrazoia denik ez dut uste”, adierazi du.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.