'Ikerketa batzordeek gauzak argitu baino, nahastu egiten dituzte'
Cabieces auziari buruzko balizko ikerketa batzorde bat irekitzeak ez luke gertaturikoa argitzen lagunduko, Josu Erkoreka Eusko Jaurlaritzako bozeramailearen arabera.
Euskadi irratiari eskainitako elkarrizketan, Josu Erkorekak ziurtatu du ikerketa batzordeek gauzak argitu baino, nahastu egiten dituztela: "Nire esperientzia pertsonalaren arabera, ikerketa batzordeek gauzak argitu baino, nahastu egiten dituzte. Hori da nire esperientzia pertsonala, nik neuk ikusitakoa. Sarri askotan, interesatzen ez diren gauzak, errealitate objektiboak, ezkutuan jartzen dira gehiengoari interesatzen zaizkiolako eta, interesatzen zaizkionak, nahiz eta egia izan ez, azpimarratu egiten direla garrantzia eman nahi zaielako".
Jaurlaritzak Hirikori emandako laguntzei dagokienez, "kontuak zuzenduta eta konponduta daude"
Eusko Jaurlaritzak Hiriko auto elektrikoaren proiektuari emandako laguntza publikoei dagokienez, "kontuan konponduta eta zuzenduta daude", Erkoreka bozeramailearen arabera. Dena den, gogoratu du proiektu horrek Espainiako Gobernuaren diru-laguntzak ere jaso zituela eta Jaurlaritzak ez dakiela diru hori "nola eta zertarako erabili zen".
"Guk une honetan esan dezakeguna zera da, Eusko Jaurlaritzak emandako diru-laguntzen dagokionean, kontuak zuzenduta eta konponduta daudela. Kontu-ikuskaritza bat egin da eta itzuli behar zena itzuli dute, bere momentuan hala eskatu zitzaielako", gaineratu du.
Erkoreka hala mintzatu da Arabako Fiskaltzak Hiriko auto elektrikoaren proiektuaren sustatzaileen kontra irekitako kereila kriminalaren harira.
Bestalde, Erkorekak azpimarratu du Hiriko proiektuak erakundeen babes zabala izan zuela: "Gasteizko erakundeen babesa, Arabako erakundeen babesa, autonomia erkidegoaren, noski, Estatuarena eta Europarena. Beraz, mundu guztiak ikusten zuen hemen proiektu oso garrantzitsu bat zegoela eta mundu guztiak nahi zion babesa eskaini eta argazkian atera".
Etika Batzordeak datozen egunetan hartuko du Toñari buruzko erabakia
Jaurlaritzaren bozeramaileak baieztatu duenez, Etika Batzordeak datozen egunetan hartuko du Angel Toña Enplegu eta Gizarte politika sailburu berriari buruzko erabakia.
Erabakia ahalik eta epe laburrenean hartzea espero duela azpimarratu du, baina ez da ausartu data zehatz bat ematera; izan ere, bera batzorde horretako presidentea izaki, berari dagokio zereginak antolatzea.
"Orain arte, Etika Batzordeak aho batez hartu ditu erabakiak eta, kasu honetan ere, erabakia aho batez hartzen ahaleginduko gara. Izan ere, Kode Etikoa interpretatzeko moduari buruz adostasun zabala daukagu eta badakigu aho batezko erabakiak hartzeak batzordearen izen onari mesede egiten diola. Ez dut erabakia asko luzatuko denik, baina ez naiz ausartzen noiz izango den esatera. Hala ere, egun gutxi batzutako kontua izango da", berretsi du.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.