Gasteizko istiluetan atxilotutakoak aske utzi dituzte,epaiketaren zain
Poliziak 1976ko martxoaren 3an Gasteizen hil zituen bost langileen omenez atzo egindako manifestazioaren ondorengo istiluetan atxilotutako 18 eta 19 urteko bi pertsonak aske utzi dituzte epaiketaren zain, gaur goizean epailearen aurretik pasatu ondoren.
Ertzaintzak bi gasteiztar atxilotu zituen desordena publikoak eragitea eta agintaritzaren aurkako atentatua egitea leporatuta.
Aipaturiko istiluetan, bost ertzain arin zauritu ziren.
Gasteizko Udalak jakinarazi duenez, atzoko istiluetan hondakinak batzeko edukiontzi metaliko bat kaltetu zen, baina plastikozkoa ez denez, konpon daitekeela adierazi du. Halaber, beira biltzeko beste edukiontzi bat ere irauli zutela jakinarazi du Udalak, baina ez zuela inolako kalterik izan.
Manifestazioa egin zuten atzo Gasteizen, Poliziak duela 39 urte hil zituen bost langileen oroimenez. Argazkia: EFE
Segurtasun Saileko iturriek jakitera eman dutenez, liskarrak 20:45 aldera hasi ziren, manifestariak Ertzaintzaren furgoneten aurka objektuak jaurtitzen hasi zirenean.
Ertzainek istiluen kontrako materiala erabili zuten, eta zenbait lagunek edukiontziak gurutzatu zituzten Pintore, San Frantzisko eta Aiztogile kaleetan, eta su eman zieten. Era berean, kutxazain automatiko bati ere su eman zioten ezezagunek Aiztogile kalean.
Manifestazioa Gasteizen, Poliziak 1976ko martxoaren 3an hil zituen bost langileen omenez
Manifestazioa 19:30ean hasi zen, Martxoak 3 plazan lore eskaintza egin eta gero. Martxa Andre Mari Zuriaren plazan bukatu zen, Alde Zaharretik oso gertu, eta istiluak Alde Zaharrean gertatu ziren.
Martxoak 3 elkarteak deitu zuen manifestazioa, eta ELA, LAB, ESK eta STEE-EILAS sindikatuek babestu zuten. Bestalde, terrorismoaren biktimatzat har ditzaten, ekimen bat aurkeztu zuen atzo elkarteak Europako Parlamentuan.
Ertzaintzak esku hartu zuen. Argazkia: EFE
Zure interesekoa izan daiteke
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.