Ruzek GALen azken hilketaren auzia artxibatzea proposatu du
Pablo Ruz Auzitegi Nazionaleko epaileak akusaturik gabe amaitu du Juan Carlos Garciaren hilketari buruzko ikerketa. Goena 1987an hil zuen GALek Hendaian.
Fiskaltzaren moduan, Ruzek uste du ez dagoela "zentzu kriminalik inoren kontra jotzeko ikertzen ari diren gertakariengatik".
Hori horrela, Juan Carlos Garcia Goenaren hilketa ikertzen zuen sumarioa "inor prozesatu gabe" ixtea erabaki du epaileak.
Instrukzio epaileak Zigor Aretora bidali du sumarioa erabakia berretsi edo atzera bota dezan, hau da, artxiboa onartu edo onar ez dezan, eta ondoren 10 eguneko epea abiatuko da aldeek helegitea jar dezaten.
Gaur argitaratutako autoan, epaileak 2012ko uztailean auzia berriro ireki zuenetik egin duen prozesua azaldu du. Garcia Goenaren alargunak eskatuta ireki zen berriro prozesua, El Mundo egunkarian agertutako informazio batzuetan oinarrituta.
Albiste horien arabera, "Patxi A, Photo Galaxia argazki dendako jabea, izan zen biktima identifikatzeko eta hiltzeko erabilitako argazkiaren egilea".
Hala, Ruzek deklarazioa hartu zion argazkilariari, eta horrek ukatu egin zuen GALekin harremanik zuenik eta argazkia erakunde kriminalari eman zionik.
Antonio Rubio kazetariari, Jose Amedo poliziaburu ohiari eta Garcia Goenaren alargunari ere hartu zien deklarazioa lekuko gisa.
Era berean, lekukoek zituzten irudiak eta Irunen lan egin zuen guardia zibil baten lekukotza ere jaso zituen epaileak.
"Ikerketan egindako izapide guztietatik ezin da oraingoz ondorioztatu hiltzaileak argazkian oinarritu zirela hilketa egiteko", epailearen esanetan.
Bestalde, Ruzek gogorarazi du Auzitegi Nazionaleko Zigor Aretoak absolbitu egin zituela 1991n Amedo eta Michel Domiguez Garcia Goenaren hilketagatik, eta Auzitegi Gorenak berretsi egin zuela ebazpena.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.