UPyD zuzentzen jarraituko du Rosa Diezek
Andaluziako hauteskundeetan lortutako emaitzak “aitzakiarik gabe txarrak” direla onartu du Rosa Diez UPyDko buruzagiak, baina militanteen babesa duen bitartean alderdia zuzentzen jarraituko duela argi utzi du. Ondorioz, barne-hauteskundeetara aurkezteko asmoa ez du aldatu.
Cedaceroseko egoitzan prentsaurrekoa eman du Diezek. Aldez aurretik, Toni Canto, Irene Lozano eta Alvaro Anchuelo UPyDko diputatuek alderdiko zuzendaritza kritikatu dute emaitza txarrengatik. Ciudadanosekin itunik sinatuko ez duela berriro esan du Diezek.
Rosa Diezen hitzetan, UPyDk alderdi “autonomoa” izaten jarraituko du, Espainiak hori behar duelako. UPyDk ez du Andaluziako Parlamentuan ordezkaritzarik lortu. 2012an botoen % 3,35 lortu zituen alderdiak Andaluzian. Igandeko hauteskundeetan, aldiz, bozen % 1,93 baino ez zituen lortu. “Bataila galdu dugu, baina ez dugu alde egingo”, adierazi du Diezek.
Diezen azalpenak “etsigarriak” direla uste du Cantok
Diezen azalpenak “etsigarriak” izan direla esan du Toni Canto UPyDko diputatuak. Alderdiko zuzendaritzak erantzukizunak zehaztu behar dituela erantsi du Cantok.
“Rosa Diezen prentsaurreko etsigarria. Honaino ekarri gaituzten erabakien erantzukizuna bere gain hartu behar du alderdiko zuzendaritzak”, argitaratu du Toni Cantok Twitter sare sozialean.
Ciudadanosekin akordiorik ez lortu eta gero, erabaki horren aurka agertu zen Canto bere garaian.
style>
Albiste gehiago politika
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.
PSOEk bere Kode Etikoa aldatuko du prostituzioa erabiltzen dutenak kanporatzeko
Pedro Sanchez bere alderdiko Berdintasun idazkariekin bildu da erreformari heltzeko. Kode Etiko berriak PSOE abolizionista dela azpimarratuko du, prostituzioa "emakumeen aurkako indarkeriaren adierazpena" baita.