Bakea egonkortzeko 'estatu politika berria' eskatu du Urkulluk
ETAk bere jarduna eten ostean, "bizikidetza indartzeko eta bakea sendotzeko estatu politika berria" behar dela aldarrikatu du Iñigo Urkullu lehendakariak.
Gasteizen egin ditu adierazpenok Urkulluk, Terrorismoaren Biktimen Memoriala izango denaren lehen harria jartzeko ekitaldian. Mariano Rajoy Espainiako gobernuburua ere izan da ekitaldi sinboliko honetan. PPko buruzagiak orain arte terrorismoaren kontrako borrokan izandako "jarrera sendoa" izaten jarraituko duela berretsi du, eta "demokrata guztiei hausturarik gabeko batasuna" eskatu die.
Agerian geratu dira bi buruzagiek ETAren aurkako politikan dituzten desadostasunak. Memoriala bera polemika iturri izan da, Jaurlaritzak zentroaren inguruko erabakietan parte hartzerik izan ez duela salatu duelako. Hain justu, Eusko Jaurlaritzaren papera aldarrikatu du Urkulluk bere hitzaldian.
Memoriala "bizikidetzaren eta akordioaren aro berrian lehen urratsa" izatea espero du lehendakariak. Izan ere, horren hitzetan, ETAk bere jarduna eten zuenetik hiru urte bete diren honetan, "garai berria" dugu, eta horixe baliatu behar da "bizikidetza indartzeko eta bakea sendotzeko". Bide horretan, "garaiak eskatzen duen mailan egon eta estatu politiko berria adostu behar dugu", esan du Urkulluk, eta "elkarrizketa, akordioa eta erakundeen arteko lankidetza" ezinbestekoak direla azpimarratu du.
Jaurlaritzak Memoriala babestuko duela azpimarratu du Urkulluk, biktimekiko "omenaldi iraunkorra" delako, "terrorismoak ekarri duen sufrimendua gogoan hartzeko" balio duelako, indarkeriari zilegitasuna kentzen diolako eta balio etikoak sustatzen dituelako.
"Injustiziaren biktimekiko enpatia eta elkartasuna agertzea agindu etiko eta demokratikoa da", adierazi du lehendakariak. Autokritika ere egin du Urkulluk arlo honetan, "iraganean merezi zuten moduan babestu eta artatu" ez zituztelako.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.