Irene Lozano UPyDren idazkari nagusi izateko hautagai izango da
Irene Lozano UPyDren diputatuak iragarri du alderdiaren idazkari nagusi izateko hautagaitza alternatiboa aurkeztuko duela hurrengo kongresuan, ekainean.
Irene Lozanok Diputatuen Kongresuan baieztatu du erabakia, telebistan Rosa Diezekin lehiatuko dela iragarri ostean.
UPyDren diputatuak berretsi du ez dela "pertsona kontua", baizik eta "norabidea ahal den hobekien, ahal den babes handienarekin, aldatzeko" beharra, hauteskundeak gertu daudela aintzat hartuta.
Lozanok aitortu du ez duela Rosa Diezekin hitz egin azken egunotan eta ez diola erabakiaren berri eman.
Azaldu duenez, "zerrenda oso bat" prestatzen ari dira, eta bera "taldearen aurpegia" soilik izango da, UPyD berritzeko proiektuan.
Alvaro Anchuelo diputatuak dagoeneko iragarri du Interneteko sare sozialetan hautagaitzarekin bat egingo duela.
Era berean, Lozanok esan du Toni Cantok ere bat egitea nahi duela, atzo Kongresuko eserlekuari eta Valentzian UPyDren zerrendaburu izateari uko egin ostean.
"Jende asko dago Espainia osoan, alderdi nazionala garelako, UPyD berritzeko lan egin nahi duena", gaineratu du diputatuak. Hala ere, ez du aurreratu nahi izan Ciudadanosengana gerturatu nahi ote duen: "Hori bost pauso aurrera joatea litzateke".
tea litzateke".Albiste gehiago politika
Espainiako Gobernuak "hondamendi eremu" izendatu ditu 16 erkidego, ekainaz geroztik izandako sute eta uholdeengatik
Neurri hori estatuko autonomia-erkidego guztietan aplikatuko da, Euskal Autonomia Erkidegoan izan ezik.
Espainiako Gobernuak "larrialdiak kaltetutako eremuak" izendatu eta laguntzak iragarriko ditu gaur, suteak direla eta
Pedro Sanchezek Ministroen Kontseiluan onartuko du neurria, eta klima-aldaketari buruzko ministerioen arteko batzorde bat sortuko du, krisiari behar bezala heltzeko.
Hitzordu bikoitza gaur Kongresuan eta Senatuan, suteen erantzukizunak argitzeko helburuarekin
Suak kalteak eragin dituen eremuetara bideratzeko laguntzak onartzeko asmoa du gaur Espainiako Gobernuak, Ministroen Kontseiluan. Halaber, Kongresuko Diputazio Iraunkorrean PPk eskatutako agerraldiei buruz eztabaidatuko dute.
EH Bilduk eta ERCk "nazio gehiagoren eta naziogintza gehiagoren" aldeko apustua egin dute, Estatuko "oldarraldi atzerakoiaren" aurrean
Bi alderdien ustez, Espainiako Estatua "inflexio puntu" betean dago, eta "une erabakigarria da Euskal Herriarentzat eta Kataluniarentzat".
Jose Maria Aierdiren iritziz, aurtengo uzta kalitate handikoa izango da, txikiagoa izan arren
Foru Gobernuko Landa Garapen eta Ingurumen kontseilaria dago kontsumitzaileek “bidez” baloratuko dutela aurtengo ardoaren kalitatea. Suteei dagokienez, Nafarroan “egiten den prebentzio lana” azpimarratu du eta adierazi du bide horri jarraitu behar zaiola.
Eusko Jaurlaritzak ostegun honetan hasiko du urte politiko berria, Miramar Jauregian
Lehendakariak, sailburuekin batera, urte politiko honetarako helburuak aztertuko ditu Gobernu Kontseiluaren lehenengo bileran, uda garaiko eten laburraren ondoren.
Otegi eta Junqueras Donostian batzartuko dira Espainiako Estatuaren egoera politikoa aztertzeko
Horrela, astelehen honetan ekingo dio EH Bilduk Espainiako egoera politikoa aztertzeko "indar politiko ezberdinekin" egingo duen bilera-sortari.
Suteen kudeaketari buruzko polemikak Espainiako urte politiko berriaren hasiera baldintzatuko du
Begoña Gomezen kasua, Leire Diaz PSOEko "iturgina", klima-aldaketari buruzko Estatu ituna, Huaweirekin sinatutako kontratua eta beste batzuk izango dira Kongresuan eta Senatuan urte politikoaren hasiera markatuko duten gaiak.
Lehendakaria, urte politiko berrian "ziurgabetasuna nabigatzeko prest"
Pradalesek Europako proiektua indartzearen alde egin du nazioarteko erronken aurrean, Trumpen muga-zergen, Ukrainako gerraren edo Gazako genozidioaren aurrean, besteak beste.
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.