Gabirondo: 'Ez naiz gomazko pilotak debekatzearen aldekoa'
Gervasio Gabirondo Ertzaintzaren zuzendariak nabarmendu duenez, bera ez da "gomazko pilotak edo beste edozein arma debekatzearen aldekoa". Argudiatu duenez, "gerta liteke edozein egoerak indarkeriazko egoera bat sortzea eta gu prest egon behar gara".
Radio Euskadiri eskainitako elkarrizketa batean, terrorismoa eta gomazko piloten erabilera lotzea zilegi ez dela azpimarratu du Gabirondok: "Azken 30 urteetan erabili ditugun arma edo gailu guztiak zalantzan jartzea litzateke, denak ETAren kontrako borrokarekin lotu ditzakegulako", esan du.
Ertzaintzaren zuzendariaren irudiko, "eztabaida testuingurutik ateratzea da" eta armen erabileraren helburua "unean unean dauden indarrezko gertakariak indargabetzea da". Adierazi duenez, "gomazko pilotak lagungarriak izan dira, baina orain, Cabacas auziak eragin duen eztabaidaren testuinguruan, desitxuratu egin da dena".
Eusko Legebiltzarrak gomazko pilotak ez erabiltzeko eskaera egin zion apirilean, eta erabilpena "aparteko egoeretara mugatzea" galdegin. Gabirondok honako hausnarketa egin du horren harira: "Legebiltzarrak ondorio hori atera du eta gomazko piloten erabileran aurrera egin behar dela azpimarratu. Ederto, Ertzaintzak urteak daramatza eraginkortasun bera izan dezaketen beste bide, teknika, gailu edo elementuak topatzen".
Dena dela, "gerta liteke edozein egoerak indarkeriazko egoera bat sortzea eta gu prest egon behar gara. Zentzu horretan, ni ez naiz gomazko pilotak edo beste edozein arma debekatzearen aldekoa. Eztabaida ez da hori, egoera bakoitzari aurre egiteko erabiltzen ditugun gailuak egokiak ote diren baizik. Arma luzeak, laburrak, pilota jaurtitzaileak... gailu pilo bat ditugu baina bakoitza neurrian erabili behar da", erantsi du.
Gabirondoko argudiatu duenez, "izandakoa erasoaren neurrikoa izan behar da erabilitako arma. Uneren baten gehiegikeriaz jokatu badugu, epaitegiak ditugu horretarako, ikertzeko eta beharrezko ikusten badute, zigorra ezartzeko".
Cabacas auzia
Ingurumaria honetan, Cabacas auzia hartu du hizpide Gervasio Gabirondok. Azaldu duenez, Estefania Beltran de Heredia Segurtasun sailburua eta berak zuzentzen duen Ertzaintzak "eginahalak egin dituzte" Iñigo Cabacasen senitartekoekin "harreman zuzena mantentzeko" eta "aukera dagoen guztietan, hala egiten dugu", nabarmendu du.
"Beste edozer egitea, auzia epaitegietan dagoen bitartean, txarto ulertuko litzateke eta zuhurtziaz jokatu behar dugu. Epaitegiek euren bidea egin behar dute, eta behin erabaki bat hartuta, iritsiko da omenaldi bat edo tankerako ekitaldi bat egiteko unea", argudiatu du.
Horren ildoan, epaileari auzia ixteko eskatu dio Gabirondok: "Erabaki dezala erabaki beharrekoa eta itxi dezala auzia. Hiru urte pasatu dira eta laugarrenera bidean gaude, asko dira horrela jarraitzeko", esan du.
Zure interesekoa izan daiteke
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak, "entzuteko" eta "gutxienez, oztoporik ez jartzeko". "Osasun Ministerioari exijitu nahi diot entzun dezala eta egiten utzi dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.
Donostiako Udaltzaingoa taser pistolak erabiltzen hasiko da 2026an
Udaltzaingoak bost taser pistola izango ditu guztira, bat txanda bakoitzeko, eta bost agente gailu horiek erabiltzeko prestakuntza jasotzen ari dira.
Pradalesek Osasun Ministerioari eskatu dio ez dezala "harririk jarri euskal osasun sistemaren hobekuntza oztopatzeko"
2025-2032 planak ospitaleetako "osasun zentro txikienetik puntako teknologiara" doazen inbertsioak aurreikusten dituela defendatu du.
Fiskaltzak ez du Errejonentzat zigorrik eskatuko Mouliaak salatutako sexu-erasoengatik, eta auzia artxibatzearen alde egin du
Adolfo Carretero epaileak Sumarren bozeramaile ohia Mouliaa aktorearen aurkako sexu-eraso delituagatik auzipetu ostean, Fiskaltzaren esanetan ez dago zantzu nahikorik haren kontrako karguak aurkezteko.
Lander Martinez: "Gobernu honek merezi du"
Asteazken honetan Euskadi Irratian egin dioten elkarrizketan, Espainiako Gobernuak bultzada bat behar duela esan du. Ekin diezaion eskatu dio, Gobernua birmoldatuta eta herritarrei haren lanaren balioa helarazteko estrategia argia zabalduta.
Santos Cerdanek dio "Inkisizioaren pareko" jazarpena jasaten ari dela
Buruzagi ohi sozialistak adierazi du Belateko tunela bikoizteko obraren esleipena, Nafarroan, "garbia eta gardena" izan zela, eta berak ez zuela inolako loturarik izan kontratazio publiko horrekin.
Eusko Jaurlaritzak 1.600 milioi inbertituko ditu 2032ra bitartean Osakidetzako azpiegituretan eta ekipamenduan
Azpiegitura eta Ekipamendu Sanitarioen Programa (2025-2032) “asmo handiko” proiektu gisa aurkeztu du Jaurlaritzak eta helburu du “kalitatea, segurtasuna eta hurbiltasuna” bermatzea osasun-arretan, “bai pazienteak bai osasun-arloko profesionalak ahalik eta ondoen” egon daitezen. Osasun-zentro eta ospitaleak eraiki, handitu edo eraberrituko dira eta ekipamendu eta teknologian inbertsio mardulak egingo dira.
Albiste izango dira: Santos Cerdan Senatuko ikerketa batzordean, BBK fundazioko presidente berria eta Guggenheim Urdaibai proiektuaren amaiera
Gaurkoan Orain-en albiste izango direnen laburpena, bi hitzetan.
Cerdan Senatuan izango da gaur, baina ez dago argi deklaratuko duen ala ez
Santos Cerdan, PSOEko Antolakuntza idazkari ohia eta judizialki ikertua, Senatuko ikerketa batzordera joango da gaur: galderei erantzuteko edo ez erantzuteko eskubidea du.