Indarkeriaren kontrako Batzordeak informazioa eskatu dio Poliziari
Indarkeriaren, Arrazakeriaren eta Xenofobiaren aurkako Espainiako Gobernuaren Batzordeak Errege Kopako txistualdiaren inguruko informazioa biltzeko eskatu dio Poliziari, eta informazio-espedientea ireki die txistualdia sustatu zutenei. Halaber, zigorrak egon daitezkeela ohartarazi die Espainiako Futbol Federazioari, Bartzelonari eta Athletici.
Batzordeak ezohiko bilera egin du gaur, urgentziazkoa, Athletici eta Bartzelonari zigorrak ezartzea aztertzeko, talde horien zaleek Espainiako himnoari txistu egin ziotelako Errege Kopako finalean.
Bileraren ostean jakitera eman dutenez, horren inguruko informazioa Fiskaltzara igorriko dute, eta Errege Kopako txistualdiaren inguruko informazioa biltzeko eskatu diote Poliziari. Bi klubei ere eskatuko diete informazioa.
Espainiako Kirol Batzordearen egoitzan agerraldia egin dute Miguel Cardenal erakunde horretako presidenteak eta Francisco Martinez Estatuko Segurtasun idazkariak, gertatutakoaren inguruan aritzeko.
Gertatutakoaren aurrean bere "gaitzespen irmoena" agertu du Martinezek, eta, "bereziki, txistuengatik eta ahozko zein keinuzko irainengatik". Segurtasun idazkariaren arabera, kirol ikuskizuna erabili zen "irain jasanezin bat" egiteko, eta hori "oso larria" dela adierazi du.
Neurriak
Bi ordezkariek iragarri dutenez, Batzordeak honako erabaki hauek hartu ditu:
-Poliziari txistualdiaren inguruko informazioa eskatzea.
-Txistualdia sustatu edo horretan lagundu zutenei informazio-espedientea irekitzea.
-Dokumentazio hori Fiskaltzaren esku uztea, zigor mailan izan ditzakeen ondorioak aztertzeko.
-Generalitateko segurtasun arduradunei partidako segurtasun koordinatzailearen aktak eskatzea, eta zaleen kokapenaren inguruko irizpideei buruz galdetzea.
-Dokumentazioa eskatzea Espainiako Futbol Federazioari, Bartzelonari eta Athletici, kirol ikuskizun baten ohiko jardunaren ziurtapena bete zuten egiaztatzeko. Horri lotuta, bi taldeek egiaztatu egin beharko dute txistualdia gerta ez zedin aldez aurretik ''beharrezko neurriak'' hartu zituztela.
Espainiako Gobernua
Finaleko atsedenaldian, Espainiako Gobernuak agiri bat plazaratu zuen, txistuak "gaitzesteko". Izan ere, "espainiar guztiak ordezkatzen dituzten ikurren aurkako erasoa" izan zela adierazi zuen.
Gainera, gaur bertan PPk iragarri du Espainiako ereserkiaren aurkako txistualdirik ez errepikatzeko lege aldaketak bultzatuko dituela.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, sekula ez genituzke onartuko"
PSOEko idazkari nagusiak onartu du "ustelkeria kasu bat" izan dutela, eta "aurreko Antolakuntza Idazkaritzari" eragiten diola horrek. Jose Luis Abalos izan zen arduraduna lehenik, eta Santos Cerdanek gero. Hori dela eta, Abalosi 24 urteko kartzela-zigorra ezarri berri diote.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.