PP: 'Autodeterminazioa lortzeko, Podemos gobernuan nahi du EAJk'
Javier Ruiz Bizkaiko PPko idazkari nagusiaren arabera, EAJk Podemos eta PSOE nahi ditu Espainiako Gobernuan autodeterminazioa lortzeko helburuarekin. Izan ere, Ruizen hitzetan, "Pablo Iglesias autodeterminazioaren eta ETAko presoak askatzearen aldekoa da", eta bera gobernuan egoteak bide horretan lagunduko luke.
Konstituzioa erreformatzeko prest agertu da Ruiz, eta Euskadiko PP ere horren aldekoa dela azpimarratu du, zentralizazioa eta haustura bazter utzita. "Alderdi Popularrak uste du Estatutua hobe daitekeela, baina, hori gorabehera, integraziorako eredu ona da eta eskuduntzen maila handia du", agertu du.
Zentralizazioaren kontrakoak direla azpimarratu du buruzagi popularrak: "Horiek EAJren argudioak dira; PPk ez du horren alde egingo. Estatuaren eta autonomien eskuduntzak hobeto zehaztu behar dira, gatazkak saiheste aldera".
EAJren jarrerarekin oso kritiko azaldu da Ruiz. Horren esanetan, "subiranotasun partekatua eta aldebikotasuna terminoak erabiltzen dituzte jeltzaleek, baina diruz lagundutako independentzia izendatzeko eufemismoak dira. EAJk independentzia politikoa nahi du, baina Espainiarekin harreman ekonomikoak hautsi gabe, jakin badakielako Espainia berme ekonomikoa dela. Hori, kaleko hizkeran, aurpegi gogorra izatea da".
Horren ildoan, herritarrei "garrantzitsuena" kontatzeko eskatu dio EAJri; hau da, "haustura agertoki horren ondorio ekonomikoak" azaltzeko. Hain justu, Espainiako hauteskundeen ondotik ateratzen den gobernua gakoa izango da, Ruizen esanetan. Bi aukera bakarrik daude, PPko buruzagiaren hitzetan: "PSOEk, Podemosek eta EAJk osatutako troika erradikala eta PPren hiru E-ren hiruhortzekoa: Euskadi, España, Europa".
"Zalantzarik ez dugu. Pablo Iglesias Espainiako hurrengo gobernuan nahi du Ortuzarrek, eta badakigu kontaktuak daudela euren artean. Izan ere, autodeterminazioaren eta ETAko presoak askatzearen eta hurbiltzearen aldekoa da Pablo Iglesias", esan du Ruizek.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.