De Miguel auzia epaituko du Arabako Auzitegiak
De Miguel auziko ia inputatu guztiek aurkeztutako helegiteak atzera bota ditu Arabako Lurralde-auzitegiak. Horrela, 26 inputatuak akusatuen aulkian eseri beharko dira.
Arabako Lurralde-auzitegiak auto batean helegite guztiak atzera bota dituela baieztatu dute iturri judizialek. Erabakiaren berri aldeei eman die gaur Auzitegiak. Arabako EAJren buruzagi ohiek ustez legez kanpoko komisioak jaso zituzten.
Honenbestez, “ahozko epaiketa” egingo dela adierazi dute iturriek. Akusazioek idatziak aurkezteko epea zabalduko da orain, ondoren ahozko epaiketari lekukoa emateko.
Aurreko martxoaren 10ean Roberto Ramosek auziaren instrukzioa amaitu zuen 26 pertsonaren inputazioarekin, tartean EAJko bederatzi buruzagi ohi, horien senideak eta alderdiaren gertukoak.
Bost urteko instrukzioari 180 orriko auto batekin eman zion amaiera, eta bertan nahikoa zantzu ikusten zuen Alfredo de Miguel EAJren Arabako buruaren ondokoa eta foru diputatua auzipetzeko.
Guztira hamaika delitu leporatzen dizkie 26 auzipetuei: prebarikazioa, delituak jazartzeko betebeharra urratzea, funtzionarioak erostea, eraginen trafikoa, dirua zuritzea, diru publikoa bidegabe erabiltzea, administrazio publikoari iruzur egitea, funtzionario publikoei debekatutako jarduerak eta negoziazioak, dokumentu publikoak faltsutzea, Ogasun Publikoaren kontrako delitua, eta lehiaketa eta enkante publikoetan prezioak aldatzea.
Auzipetuen artean daude, De Miguelez gain, Aitor Telleria eta Koldo Ochandiano EAJren Arabako kide ohiak; Gurutz Larrañaga eta Xabier Sanchez Ibarretxeren Jaurlaritzako arduradunak, Julian Sanchez eta Alfonso Arriola parke teknologikoen sareko buruzagi ohiak eta Iñaki San Juan Leioako EAJko zinegotzi ohia.
15 auzipetuk helegiteak jarri zituzten auto horren kontra, baina denak bota zituzten atzera aurreko apirilean.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da epailearen aginduz, Santos Cerdanen posta klonatzeko
Ikerketako iturriek jakitera eman dutenez, agenteek PSOEren egoitzan, Adifen instalazioetan eta Errepide Zuzendaritza Nagusian jardun dute, Leopoldo Puente Auzitegi Nagusiko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".