Podemosko zuzendaritzak kontra egin dio Uriarteri, zerrenden diseinuan
Roberto Uriarte EAEko Ahal Duguko idazkari nagusiak bertan behera utzi du gaurko deitutako prentsaurreko bat, dagoeneko kazetarien aurrean zegoela eta agerraldia hasteko zorian zela.
Hain zuzen ere, hauteskunde zerrendek eragindako barne zatiketari buruz hitz egingo zuen Uriartek, eta, aldez aurretik, hainbattetan hitz egin zuen telefonoz Podemoseko zuzendaritzarekin.
Uriarte kazetarien aurrean zegoen jada, Ahal Duguren egoitzan, eta hitz egiten hasteko zorian zela, beste telefono dei bat jaso du. Horren ostean, azalpen gehiagorik eman gabe, "deialdi hau egiteko zeuden arrazoiak aldatu egin dira", esan du, eta bertan behera utzi du agerraldia.
"Eman behar ditugun azalpenak ofizialak izan behar dira beti, sinesgarriak eta egokiak; horrenbestez, militanteak errespetatzeko, azalpenak aurki emana ahal izatea espero dut", esan du.
Pilar Garrido Ahal Duguk Gipuzkoan duen bozeramailearen esanetan, "itxaron egingo dugu, eta prentsaurrekoa hurrengo egunetan eman ahal izatea espero dugu".
Prentsaurrekoa goizaldeko lehen orduan deitu zuen Ahal Duguk, posta elektronikoz, Diputatuen Kongresurako zerrenden harira alderdi barruan piztutako polemikaren harira.
EAEko Ahal Dugun bi sektore daude aurrez aurre. Batetik, Roberto Uriarte babesten duena, eta, bestetik, Izquierda Anticapitalista ohiaren militanteak.
Podemosek kontra egin dio Uriarteri
Prentsaurreko saiakera jazo eta ordu batzuetara, EFE agentziak jakinarazi du Podemoseko zuzendaritzak zuzendu egin du Roberto Uriarteren erabaki bat. Izan ere, EAEko Ahal Duguren buruak Arabako zerrendaburu izendatu nahi zuen Juantxo Lopez de Uralde (Equo), baina Madrilgo zuzendaritzak Bizkaiko zerrendetan joatea berretsi du.
EFE agentziaren arabera, Uralde Bizkaiko hautagaia izango dela asteazken honetan iragarriko dute, prentsaurreko batean.
Uriarteren aurkakoek azaldu dutenez, EAEko Ahal Duguren Kontseilu Herritarrak Uriarte Bizkaiko zerrendaburua izatea erabaki zuen, baina alderdiak Araban kokatu zuen.
Otegiren aldeko martxa, polemikoa oraindik ere
Bestalde, zatiketa testuinguru honetan, Euskadiko Ahal Dugu alderdiko hainbat kidek "zuzenketa" eskatu diete, urriaren 17an Arnaldo Otegiren askatasuna eskatzeko, Donostian egin zen manifestazioan parte hartu zuten alderdikideei. Aipaturiko kide horien esanetan, Ahal Duguren organo gorena den Hiritarren Asanbladak hartutako erabakiaren kontrako jarrera izan zuten.
Euskadiko Hiritarren Kontseiluaren azken bileran, Euskadiko Ahal Duguko ehun kide inguruk adierazpen bat aurkeztu zuten eta zenbat kargudun publikok "sistematikoki" izandako jokabidea salatu zuten; horien esanetan, Euskadiko Ahal Duguren ildo politikoaren eta etikoaren kontrakoa zelako.
Hainbat jokabide salatu dituzte, tartean, ustelkeria kasuetan PPrekin batera mozioak onartzea, Free Otegik deitutako manifestazioa babestea eta ekitaldian parte-hartzea, EH Bilduren "atzetik ibiltzea eta Euskadiko Ahal Duguren barruan urpeko gisa aritzea, alderdiaren baitan "intrusismoa" elikatzea eta zuzendaritzarekin dituzten desadostasunak agertzeko hedabideak baliatzea.
Aipaturiko dokumentuaren sinatzaileek beren babesa eta errespetua adierazi diete Euskadiko Hiritarren Kontseiluari, Roberto Uriarte Euskadiko idazkari nagusiari eta Pablo Iglesias buru duen estatu mailako zuzendaritzari. Ildo horretan, hedabideen bitartez zuzenketa bat egitea eskatzen diete salatutako alderdikideei.
Osterantzean, estatu espainiarreko Berme Batzordera joko dutela iragarri dute.
Bestalde, Euskadiko Hiritarren Kontseiluaren azken bileran, Espainiako hauteskunde orokorretarako Ahal Duguren EAEko hautagaitzak aldatzeko proposamen bat onartu zuten. Dokumentu horren bitartez, negoziazio leiala abiatzea eskatzen dute "alde bakarrez ezarritako hautagaiak izatea" saihesteko.
ea" saihesteko.Zure interesekoa izan daiteke
Elizak eta Espainiako Gobernuak akordioa lortu dute sexu-abusuen biktimen erreparazioa bideratzeko
Aldeek bide berri bat irekitzea adostu dute, justiziaren bidez ezinezkoa den kasuetan Eliza Katolikoaren baitan sexu-erasoak jasan dituztenei erreparazioa emateko.
Chivitek Nafarroako Gobernua birmoldatuko du, Felix Taberna eta Amparo Lopez kargutik kenduta
Ostegun honetan egingo du agerraldia hedabideen aurrean Nafarroako Gobernuko presidenteak, erabakiaren inguruko azalpenak emateko. Gobernuko iturriek azaldu dutenez, legegintzaldiaren azken txanpari “bultzada politikoa” ematea da helburua.
EH Bilduk bat egin du larunbaterako Sarek deitutako manifestazioarekin, eta herritarrak parte hartzera deitu ditu
Koalizioaren hitzetan, "arrazoi politikoengatik espetxean, erbestean edo deportatuta" dauden euskal herritarren egoerak "konpondu gabe jarraitzen du", eta beharrezkoa da presoei ezartzen zaizkien "salbuespen neurriak" bertan behera uztea.
Auzitegi Gorenak berretsi egin ditu Arantza Zulueta eta Jon Enparantza abokatuei ezarritako zigorrak
"Erakunde terroristako kide" izatea leporatuta 2022an Auzitegi Nazionalak ezarritako zigorrak berretsi ditu, zazpi urte eta erdikoa Zuluetarentzat eta laukoa Enparantzarentzat, haien helegiteak baztertuta. Naia Zuriarrain eta Iker Sarriegiren helegiteak partzialki onartu ditu Gorenak eta urtebete murriztu die, ardura gutxiago zutela onartuta.
Epaileak epaiketara bidali du Iñigo Errejon, Elisa Mouliaaren aurkako ustezko sexu-erasoengatik
Magistratuak urtarrilaren 15erako deitu du bozeramaile ohia. Fiskaltzak, berriz, ez du Errejon akusatuko, eta auzia artxibatzeko eskatu du, zantzu nahikorik ez dagoelako.
Donostiak ahalik eta gehien mugatu ditu hotel eta ostatu turistikoen lizentziak
Udalak lurzoruaren bizitegi-erabilera babestu du, etxebizitzarako sarbidea lehenesteko eta auzoetara hedatzea saihesteko.
Abalos eta Koldo herri-epaimahai batek epaitzea baztertu du Auzitegi Gorenak
Leopoldo Puente epailearen arabera, ikertzen ari diren delituak Auzitegi Nazionalaren eskumenekoak badira ere, Abalos foruduna da, eta horregatik hartu du Auzitegi Gorenak auzia bere gain.
Ubarretxena: "Amorrua ematen dit transferentzien bileretan konformatzeko esateak"
Autogobernu sailburua "Egun On" saioan izan da eta transferentzien inguruan Espainiako Gobernuak izandako jarrera kritikatu du, bileretan "honezkero asko" daukagula entzun behar izan baitute eta horrek haserrea eragiten diela azpimarratu du. Euskarari dagokionez, "euskara zalantzan jartzeak" larritzen dituela nabarmendu du.
Sortuk Xabier Iraola proposatu du idazkari nagusirako, Rodriguezek kargua utzi ostean
Bozketa urtarrilaren 21etik 23ra izango da, eta hurrengo egunean amaituko da Sorturen IV. Kongresua, Ficoban (Irun), alderdi politiko horrek ohar batean jakinarazi duenez. Alderdiak zehaztu duenez, gaur jakinaraziko da Kontseilu Nazionalak zuzendaritzarako aurkeztuko duen 15 laguneko talde osoa.
Sanchez talde parlamentarioekin bilduko da astelehenetik aurrera Espainiak Ukrainan izan behar duen zeregina aztertzeko
Boluntarioen Koalizioa Parisen bildu da, Ukrainan su-etena lortu eta gerra amaitutakoan egin beharrekoaz hitz egiteko. Espainiako Gobernuko presidenteak, gainera, Ukrainan soldadu espainiarrek "bake misio" batean parte hartzeko aukerari atea ireki dio.