Indarkeriaren erabileraz 'hausnarketa kritikoa' egin du EH Bilduk
EH Bildu osatzen duten alderdiek, tartean Sortuk, "indarkeriaren erabileraren inguruan hartutako erabakiei buruzko gogoeta kritikoa" egin du "biktima guztien konponketa lortzeko helburuarekin".
Hasier Arraiz (Sortu) eta Rebeka Ubera (Aralar) EH Bilduko parlamentariek prentsaurrekoa eman dute Donostian, datorren astearteko Memoriaren Egunari begira. Izan ere, ekitaldietan parte hartuko dutela iragarri dute.
Adierazpenak hiru puntu ditu, eta ez dio ETAri erreferentzia egiten.
Lehenengo puntu horretan euskal gizarteari zuzentzen zaio EH Bildu, "indarkeriaren erabileraren inguruan hartutako erabakiei buruzko gogoeta kritikoa" egiteko.
Arraizek ez du "erabaki" horien "adibide zehatzik" eman, eta helburua "iragan guztia aztertzea eta gertatutako guztiaren gogoeta kritikoa egitea" dela esan du, inola "mugarik" jarri gabe.
Sorturen presidenteak gogorarazi du EH Bildu osatzen duten alderdiek ibilbide propioa dutela, eta beti ez direla elkarrekin egon, batzuetan "elkarren kontra" ere egon baitira. Hala, koalizioa bera gainerako alderdiekin egin nahi duten ariketaren "eredu" dela azpimarratu dute.
Biktimak
Arraizek eta Uberak irakurri duten testuaren bigarren puntuan "biktima guztiei" helarazi nahi izan diete mezua, "parekatu gabe eta bazterketarik gabe". EH Bilduk "ekarpen txikia" egin nahi die "jarduera kritiko" horren bitartez.
"Atsekabe handia dugu gure jarrera politikoak ez diolako biktima orori lagundu", gaineratu dute idatzian, eta Arraizek aitortu du puntu horretan ETAren biktimekiko errekonozimendua ere badagoela.
"Jarrera politikoak" ez du "haien ondoan" zeudela erakusten, eta horrek "mina handitu die", Harraizen esanetan.
Kontaketa
EH Bilduk kontaketari eskaini dio adierazpenaren hirugarren eta azken puntua. Hala, "euskal eragile politikoei" eskatu die "ibilbide bat abiatzea askotariko kontaketa bat egiteko, euskal gizartean bezain askotarikoa".
"Kontaketa guztiez osatutako kontaketa, ezkutatu edo saihestutako sufrimendurik gabea. Kontaketa askotariko horrek indarkeriarik eta giza eskubideen urraketarik gabeko etorkizuna eraikitzeko oinarria izan behar du", gaineratu dute.
EH Bilduk “gogoeta kritikoa” egiteko prozesu bat abiatzea “positiboa” dela uste du Eusko Jaurlaritzak. Lehendakaritzako iturriek adierazi dutenez, Sortuk 2012ko otsailean, Donostiako Kursaalean, esandako “bera” da, baina “prozesu guzti hauek positiboak dira”.
Lopez (PSE-EE): “Borreroen eta biktimarioen ondoan egon ziren"
Ezker abertzaleak ETAren indarkerian izandako erantzukizuna behingoz onartzea espero du Patxi Lopez PSOEko Ekintza Politika idazkariak, “guztien artean memoria kolektibo bat zabaltzeko”.
Ezker abertzalea “borreroen eta biktimarioen ondoan” egon zela gogorarazi du Lopezek. “Anbiguotasunik eta distantziarik gabe, biktimekin benetan egoteko”, eskatu die sozialistak.
Alonso (PP): “Oso berandu heldu da”
Bestalde, “gogoeta kritikoa oso berandu” heldu dela aurpegiratu dio Alfonso Alonso Euskadiko PPren presidenteak EH Bilduri. Indarkeriaren erabileraren inguruan ondorio batera heltzeko, “gehiegi pentsatu” beharrik ez zegoela uste du Alonsok.
ETAri desegiteko eta “iragan terrorista” gaitzesten dutenean “sinesgarritasun asko” irabaziko dutela erantsi du PPko buruzagiak.
Zure interesekoa izan daiteke
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Patxi Lopez CNIren Ceutako jardueraren inguruko bertsioei buruz: "Posible da bi gauzak egia izatea aldi berean"
Patxi Lopez PSOEk Kongresuan duen bozeramaileak asteazken honetan adierazi duenez, Defentsa eta Barne ministroek emandako bi bertsioak "egia izan daitezke aldi berean"; izan ere, berretsi du egon zitekeela sareetan zegoen mugimenduei buruzko abisua, jendeak itsasoz pasatzeko zuen asmoei buruz, baina, bere hitzetan, "agian ez zen kalibratu edo ez zegoen izango zuen ezohiko dimentsioari buruzko informaziorik".
Protesta artean onartu dute Zizur Nagusian 2.081 etxebizitza eraikitzea aurreikusten duen plana
Bien bitartean, hainbat herritarrek eta herri plataformak elkarretaratzea egin dute Udaletxe parean planak kultur ekintzetarako erabiltzen diren zenbait eraikin galtzea ekarriko duela salatzeko. Geroa Baik, UPNk eta PPk azken asteetan presioak eta irainak jasan dituztela azaldu dute.
Sanchezek agerraldia egingo du irailaren 3ko Kongresuko Osoko Bilkuran, Ceutako krisia dela eta
Sanchezek asteazken goizean eskatu du Kongresuan agertzea. Irailaren 9a proposatu du, ohiko bilkura-aldiko lehen Osoko Bilkurako data, baina 3an hitz egingo du azkenean. PPk eskatuta, Kongresuko Diputazio Iraunkorrak asteazken honetan Sanchezi premiazko agerraldia egin ala ez erabakitzeko eztabaidarako ordu gutxiren faltan ezarri da data.
Espainiako Gobernuak asilo legea eta atzerritarrei buruzko legearen erreforma onartu ditu, Ceutako migrazio-krisiaren ostean
Testuek "ikuspegi bermatzailea" dute eta migratzaileen giza eskubideak errespetatzen dituzte. Halaber, Espainiako esparru juridikoa Migrazioaren eta Asiloaren Europako Itunera egokitu dute.
Roblesek esan du CNIk bere lana egin zuela Ceutan, eta Marlaskak berretsi du ez zela "txostenik" egon
Defentsa eta Barne ministroek bertsio kontrajarriak eman dituzte uztailaren 30ean migratzaileak hiri autonomora sartu ziren egunaren bezperan gertatutakoari buruz.
Ceutako krisia bideratzeko Segurtasun Nazionaleko Kontseiluaren ezohiko bilera eta aginte bakarra deitu du Sanchezek gaurko
Margarita Robles Defentsa ministroak agerraldia egingo du gaur Kongresuko Defentsa Batzordean, Ceutako krisiaren berri emateko. Datozen egunotan Behe Ganberako hainbat batzordetan hitz egingo duten zortzi ministroetatik lehena izango da.
Udal eta foru hauteskundeetarako eta Nafarroako Parlamenturako prozesua prestatzen ari da EH Bildu
Bere oinarriei dei egin die "parte har dezaten eta ezkerreko soberanismoaren eskaintza politiko eta elektorala osatzeko lanaren parte izan daitezen, erronkaren tamainako anbizioarekin".
Saizek Feijooren aurka egin du Ceutan konfinamendua eskatzeagatik: "Xenofobia da kutsakorra"
Elma Saiz Inklusio, Gizarte Segurantza eta Migrazio ministroaren arabera, Alberto Nuñez Feijoo PPren presidenteak Ceuta konfinatzeko eskatu izana "arduragabekeria larria" da, ez baitago kutsatzeko arriskurik, eta buruzagi popularraren "ezjakintasuna" kritikatu du.
EAJk Frantziarekin hitz egiteko eskatu dio Espainiako Gobernuari, Irungo trafikoaren "itogunea" konpontzeko
Halaber, Cristina Laborda Irungo alkatearen "demagogia" kritikatu du, eta adierazi du arazoa ez dela "errepide gutxi" dagoela, baizik eta Frantziak muga "itogune" bihurtu duela herria.