Ensaf Haidar: 'Basakeriari ezetz esateko ausardia eduki du Badawik'
"Raif Badawik ahotsa altxatzeko eta basakeriari 'ezetz' esateko ausardia izan du, horregatik zigortu dute", hala nabarmendu du Ensaf Haidar blogari saudiarabiarraren emazteak gaur Sakharov saria jasotzean. Kontzientzia Askatasunaren defentsan egindako lanagatik saria banatzen du urtero Europako Parlamentuak; aurten, 'Free Saudi Liberals' webgunearen arduradunarentzat, Raif Badawirentzat, da saria, baina kartzelan denez, emazteak jaso du.
Badawik sortutako Saudiarabiar Sare Liberal foroan islama iraintzen zela egotzita, 10 urteko kartzela zigorrera eta 1.000 zigorrada jasotzera kondenatu zuten blogaria 2014an. Lehen 50 zigorradak 2015eko urtarrilean jaso zituen Badawik, eta Mendebaldeko herrialde gehienek eta Europako Parlamentuak berak giza eskubideen kontrako zigor "basatitzat" jo zuten. Badawik Saudi Arabia bezalako herri kontserbadore batean prentsa askatasunaren aldeko egindako lana goraipatu nahi izan du Europako ganberak.
Saria jasotzeko ekitaldian Haidar emazteak nabarmendu duenez, senarra "izpiritu librea da, ez da gaizkile bat. Pentsaera bakarra duen herrialde batean libreki mintzatu da, hori bakarrik".
Sinbolismoz beteriko hitzaldia egin du Haidarrek. Aurrena, minutu bateko isilunea egin du Parisko atentatuetan hildakoen alde; gero, senarraren erretratu bat erakutsi du, europarlamentarien txalo artean.
Adierazpen askatasuna
Haidar emazteak saria jaso baino lehen emandako hitzaldi batean adierazi duenez, "Europako herrialdeek Saudi Arabian adierazpen askatasuna bermatzeko presio gehiago egin beharko lukete".
Emakumeak herrialde arabiar honetan duen askatasun murritzari dagokionez, ordea, ezkorrago agertu da Haidar. Haren hitzetan, "egoera hori gizarteak aldatzen du, ez legeek".
Badawiren emazteak azaldu duenez, blogariak gose-grebari ekin zion abendu hasieran, isolamenduko espetxe berri batera eraman zutela eta, protesta egiteko.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.