Ayerdi eta Elizalderen dimisioa eskatu du 'Aroztegia eta Gero Zer?'k
"Aroztegia eta Gero Zer?" plataformak eta Sustrai Erakuntza fundazioak Isabel Elizalde Nafarroako Tokiko Administrazio eta Ingurumeneko kontseilariaren eta Manu Aierdi Foru Gobernuko Garapen Ekonomikoko lehendakariordearen dimisioa eskatu dute baldin eta Aroztegiako proiektu turistikoa atzera botatzen ez baldin badute.
Aroztegiako konplexu turistiskoaren aurkako jarrera agertu duten taldeek ohar bidez salatu dutenez, proiektuak aurrera egiten badu luxuzko hotela, golf zelaia eta 232 etxebizitza eraikiko dira Baztanen, Lekarozen.
Abenduaren 30ean Nafarroako Foru Gobernuko zerbitzu juridikoek atzera bota zituzten Aroztegiako planaren aurka Lekarozko Udalak eta Baztango Batzar Nagusiak aurkeztutako helegiteak.
Ildo horretan, "Aroztegia eta Gero Zer?" plataformak eta Sustrai Erakuntza fundazioak onartu dute UPNren Gobernuak eman ziola hasiera Aroztegiako PSIS planari, baina Foru Gobernuak "bidegabekeria hori babestea" erabaki duela. Horien esanetan, UPNk modu zikinean hartu zuen erabakia eta orain Geroa Bairen Gobernuak "modu berean" jokatu du.
"Geroa Baik gutxi batzuen interes espekulatiboak lehenetsi ditu herritarren interes orokorren gainetik", aldarrikatu dute. Horien esanetan, "ez dago gizarte alorreko justifikaziorik gaur egun 359 bizilagun bizi diren herrian 228 etxebizitza eraikitzeko".
Proiektuaren aurkako taldeek erantzukizunak eskatu dituzte. Ildo berean, azpimarratu dute Nafarroako Foru Gobernuaren akordioaren kontrako salaketa bideratzen ari direla eta Aroztegiako proiektua eta Nafarroako gainerako proiektu espekulatiboak geldiarazteko lan egingo dutela.
Aroztegiako proiektuak iritzi kontrajarriak eragin ditu Foru Gobernuaren baitan: Geroa Bai Aroztegiako proiektuaren alde dago, baina Foru Gobernua osatzen duten beste alderdiek ez dute plana babesten.
Zure interesekoa izan daiteke
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.