Alderdiak autogobernurako proposamenak eztabaidatzen ari dira
Eusko Legebiltzarreko Autogobernuaren Lantaldea gaur goizeko lehen orduan bildu da. Taldeek agiriak aste honetan Gasteizko Ganberan erregistratu ondoren, alderdi politikoak gaur azaltzen ari dira euren proposamenak. Hala, agerian geratuko dira alderdien arteko adostasunak eta desadostasunak, eta akordioa lortzeko aukerak.
Bilera 09:30ean hasi da, eta taldeen ordezkariak bertan aurkeztutako agirien laburpen bat egiten ari dira. Legebiltzarreko batzordea ia duela bi urte jarri zuten martxan.
Pausoak
Proposamenak aurkeztu ostean, eman beharreko hurrengo pausoak zehaztuko dituzte gaurko bileran. Agintaldiaren azken hamar hilabeteetan estatusa erreformatzeko oinarri sendoak adosteko aukera dagoela uste du EAJk, hurrengo legealdian lanean jarraitzeko. Gero, Legebiltzarrean testu juridiko bat onartu, eta herritarrek babestu beharko lukete, galdeketa ez lotesle batean. Jarraian, Gorte Nagusietara helduko litzateke, eta Estatuarekin negoziatu ondoren, herritarrek behin betiko berretsi beharko lukete.
PSE-EEren planteamendua bestelakoa da; izan ere, orain agiri guztiak mahai gainean daudenean, Iñigo Urkullu lehendakariak Estatutu proposamen berri bat idatzi beharko lukeela uste dute sozialistek, Gasteizko Ganberan eztabaidatzeko, “arau eta legezko prozeduren arabera, ahalik eta adostasun zabalenarekin”.
Eusko Jaurlaritzaren arabera, baina, ez da lehendakariak testu bat aurkezteko unea, alderdiek akordio integratzaile bat lortzekoa baizik.
Zure interesekoa izan daiteke
Nafarroako Gobernuaren arabera, Athleticek ez ditu "Nafarroako ikur ofizialak arriskuan jarri edo gaizki erabili"
Javier Remirez Gobernuko lehen presidenteorde eta bozeramaileak mezu bat argitaratu du sare sozialetan, esanez hiru direla Nafarroako sinbolo esklusiboak -bandera, armarria eta ereserkia-, eta babes juridikoa horietara mugatzen dela.
Durangoko PPko zinegotzi Carlos Carciak “berehala geldiarazi” behar diren heriotza-mehatxuak salatu ditu
“Gau osoan zehar” mezu “bereziki mingarriak” jaso zituela eta Ertzaintzaren aurrean salaketa jarriko duela adierazi du.
Zapatero presidente ohiaren banku-kontu batzuk blokeatzeko agindu du epaileak
Jose Luis Calama Auzitegi Nazionaleko epaileak Espainiako Gobernuko presidente ohiaren banku-kontuak blokeatzeko agindua eman du ostegun honetan, 'Plus Ultra' auziaren harira. Ikertutako beste pertsona batzuei ere eragiten die.
Munduko Futbol Txapelketaren egoitzen eztabaidak beste ika-mika bat piztu du EAJren eta PSE-EEren artean
PSE-EEk adierazi du ez dituela ulertzen EAJren "zalantzak", eta jeltzaleei gogorarazi die sozialistekin hitz egin behar dutela Bilboko eta Donostiako hautagaitzen inguruan erabaki bat hartzeko.
UPNk Athletici “ohartarazi” dio auzitara joko duela, elastikoetatik Euskal Herriko mapa kentzen ez badu
"Nafarroa ez da Euskal Autonomia Erkidegoko beste probintzia bat" aldarrikatu du sare sozialetan Cristina Ibarrolak, alderdiko presidenteak, eta futbol federazioko presidenteari eta Chivite presidenteari zuzendu zaie auzian esku hartu dezaten eskatzeko. Nafarroako Gobernuak, ordea, azaldu du Athleticek ez dituela "Nafarroako sinboloak arriskuan jarri" eta, kasu honetan, ez dagokiola "jarrera hartzea".
Eusko Legebiltzarrak atzera bota du ETAren biktimei egindako irainak lege bidez zigortzeko proposamena
EAJk eta PSE-EEk zuzenketa bat bultzatu dute hezkuntza, gizarte eta zigor neurri berriak aztertzeko, birbiktimizazioari aurre egiteko.
Plus Ultra prest agertu da gertakariak argitzen laguntzeko
Aire konpainiaren arabera, prozesuak eskatzen du informazioa "ardura eta zehaztasun" handiz lantzea, "interprertazio partzialak eta testuingurutik kanpokoak" ekiditeko.
Espainiako lurralde-mapa "erabat itxita" dago eta Trebiñu Burgos da, Gaztela eta Leongo Gobernuaren arabera
Hala azpimarratu du Carlos Fernandez Carriedo Gaztela eta Leongo Gobernuaren bozeramaileak, Trebiñu Arabarekin bat egiteko erreferenduma deitzeko aukeraz Mikel Legarda EAJren diputatuak asteazken honetan Kongresuan galdetu ostean.
"Donostiak ez dauka bertigorik" Insaustiren arabera, baina 2030eko Mundialerako hautagaitza zorrotz aztertzearen alde egin du
ETB2ko "En Jake" saioan egin dioten elkarrizketan, zerga turistikoaz hitz egin du Jon Insausti Donostiako alkateak. Horren esanetan, zerga turistikoari esker 10 milioi euro bildu ditzakete urtebetean.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.