Valentzian atxilotutako zazpi pertsonan, behin-behinean aske
Valentziako PPren ustelkeriaren aurkako azken polizia operazioan atxilotutako 24 pertsonetako zazpi epailearenera eraman dituzte gaur arratsaldean, eta aske utzi ditu epaileak. Horietako lauk, baina, bermea ordaindu beharko dute.
Atzo ekin zion epaileak atxilotutakoak galdekatzeari. Maria Jose Alcon Valentziako Kultura zinegotzi ohia 150.000 euroko fidantzapean aske utzi zuen, badaezpadako beste neurri batzuekin (ondasunak bahitu dizkiote, besteak beste).
24 atxilotuez gain, beste bost pertsona ere ari dira ikertzen, atxilotu ez badituzte ere. Hasiera batean, bost lagun horiek goizean galdekatuko zituztela jakinarazi badute ere, aukera hori baztertu du eguerdian epaitegiak.
Alfonso Novo Valentziako Udaleko PPren bozeramailea eta Rita Barberaren ondorengoa da horietako bat. Gero eta gehiago dira Valentziako alkate ohi eta egun PPko senatari dena susmopean jarri dutenak.
Jomugan dagoela eta, Barberaren kontrako neurririk hartuko ote duen galdetu diote gaur Mariano Rajoy Espainiako Gobernuko jarduneko presidenteari. "Nik dakidala, Barberari ez diote ezertxo ere leporatu, eta erabat garbi dago", erantzun du Rajoyk. Hala ere, ustelkeria kasu batean nahastuta dagoen "edozein kide" PPtik botako dutela esan du. Ustelkeriak "ez ditu zertan zaildu" Gobernua osatzen saiatzeko negoziazioak, erantsi du.
Ximo Puig (PSOE) Valentziako Generalitateko presidentearen esanetan, berriz, Alderdi Popularrak "gutxienez duela bi urte" ezagutzen ditu Valentziako Imelsa auziaren nondik norakoak, eta honek "eragina izango du" Espainiako Gobernua osatzeko negoziazioetan. Rajoy "ustelkeriak zikinduta" dagoela esan du Puigek, eta Luis Barcenas PPko diruzain ohiari "Luis, eutsi gogor" bidali ziola eta Castelloko Diputazioko presidente ohiaz "herritar eredugarria" zela adierazi zuela gogoratu du.
Barberaren agerraldia
Antonio Montiel Podemosek Valentziako gorteetan duen bozeramaileak azaldu duenez, Rita Barberaren agerraldia eskatuko dute "Imelsa auzian omen duen harremanak senatari karguari zelan eragiten dion azal dezan".
Ciudadanos (C's) alderdiak, bestalde, ikerketa batzordea osatzeko eskatu du Valentziako Udalean.
Zure interesekoa izan daiteke
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.