Madrilgo Kultura zinegotzia, 'suminduta' txotxongilo ikuskizunarekin
Celia Mayer Madrilgo Udaleko Kultura eta Kirol zinegotziak azaldu duenez, "erabat suminduta" daude Sorgina eta Don Kristobal txotxongilo ikuskizunean atzo gertaturikoagatik; izan ere, Madrileko plaza batean ikuskizun bat antzezten ari zirela, "Gora Alka-ETA" lelodun kartel bat erakutsi zuten bi txotxongilok.
Mayerrek gaur iragarri duenez, "berehala" lan harremanak etengo dituzte txotxongilo ikuskizuna kontratatu zuten Madrilgo inauterietako programatzaileekin. Ildo horretan, ez du zehaztu berak dimisioa emango duen ala ez.
"Irmoki eta azkar hartu ditugun erabakiak hartzea da nire erantzukizun politikoa: lehenik, berehala ikuskizuna geldiaraztea; bigarrenik, epaitegietan salaketa jartzea; eta, hirugarrenik, kontratazio horren erantzukizun politikoa duten programatzaileak kargutik kentzea", adierazi du.
Atzo, Kultura zinegotziak berak salaketa jarri zuen epaitegietan, haren iritziz, sinatutako kontratuan haurrentzako ikuskizun bat egitea jasotzen zelako eta ikuskizunean haurrentzako eduki desegokiak ekoiztu zirelako.
Mayerrek Madrilgo inauterietako programatzaileekin lan harremanak "berehala" etetea agindu du eta "Madrid Helburu"ko departamendu juridikoak "ahalik eta azkarren" gauzatuko du erabakia.
"Programazioan akatsa egon da eta horrek herritarrak iraindu ditu. Guk hartu behar genituen erabakiak hartu ditugu", aldarrikatu du.
Titeres desde Abajo antzerki konpainiako bi kidek Sorgina eta Don Kristobal izeneko txotxongilo ikuskizuna eskaini zuten atzo Madrilen. Antza, ikuskizunean, pertsonaietako batek sorgina, epailea eta polizia sastakatu zituen, eta antzezlanaren bukaeran, panpinetako batek "Gora Alka-ETA" lelodun kartel bat erakutsi zuen. Plazara bertaratutako umeen gurasoek Polizia ohartarazi zuten eta bi lagunak atxilotu egin zituzten.
Zure interesekoa izan daiteke
Extremadurako bozek hauteskunde ziklo berri bat abiatuko dute gaur Espainiako Estatuan
09:00etan zabaldu dituzte hauteslekuak. 890.985 herritarrek dute botoa emateko eskubidea: 556.424k Badajozen eta 334.561ek Caceresen. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa jasoko du. Voxek eta Unidasek, aldiz, gora egingo dute, inkestek iragarritakoa betez gero.
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.