Militanteek PSOE-Ciudadanos akordioa babestea espero du Sanchezek
Militante sozialistek PSOEk eta Ciudadanosek asteon sinatu duten gobernu akordioari erabateko babesa emango diotela espero du Pedro Sanchez PSOEko idazkari nagusiak. Ildo horretan, "harrotasunez" ituna babesteko eskatu dio militanteei "sozialisten printzipioekin -berdintasuna, askatasuna, justizia soziala eta anaitasuna-" bat egiten duela argudiatuta.
Halaber, datorren asteko inbestidura saioan ituna babesteko eskatu die "aldaketaren gaineko alderdiei" ere.
Inbestidura saioaren bezperatan -asteartean izango da-, PSOEk antolatu duen galdeketan parte hartu du Sanchezek Madrilgo Pozuelo de Alarcon herriko sozialisten egoitzan. 190.000 afiliatu sozialista daude parte hartzera deituta eta gauerdira arte izango dute horretarako epea.
Akordioa beste alderdiei irekita dagoela azpimarratu ondoren, ezkerreko alderdiei -Podemos kasu- itunera batzeko dei egin die.
"Ez dezala inork ahaztu PSOEko idazkari nagusiak aurkezten duela hautagaitza, beste ezkerreko alderdi batzuk bezain ezkerrekoa den alderdiak", aldarrikatu du.
Sanchezen esanetan, "Gobernu erreformista eta aurrerakoia" osatzeko PSOEk eta Ciudadanosek sinatutako ituna "koherentea" da PSOEren printzipioekin eta baloreekin eta "espainiarrek politikariei eskatzen diotenarekin: akordioa, negoziazioa, elkarrizketa eta ulermena".
Buruzagi sozialistaren hitzetan, gaurkoa "egun garrantzitsua" da sozialistentzat. "Gaur egun zoriontsua da PSOErentzat, militantziari iritzia emateko aukera emanda, demokraziari ahotsa eman diogu"; azpimarratu du. Sozialistek ez dute parte hartzeari buruzko daturik eman nahi izan.
Espainia osoko militante sozialistek galdeketan parte hartuko dutenaren esperantza agertu du Sanchezek. Azpimarratu duenez, haren historian lehen aldiz, PSOEk Espainiako presidente izateko hautagaitzan aurkeztuko duen akordioari buruzko iritzia emateko eskatuko die militanteei. "PSOEk egin du hori, ez beste inork", nabarmendu du.
>
>
Zure interesekoa izan daiteke
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.