Ciudadanosek eta PSOEk adostutako akordioaren gako nagusiak
"Gobernu erreformista eta aurrerakoia" osatzeko, Ciudadanosek eta PSOEk gaur sinatu duten 66 orriko itunean jasotako gako nagusienetako batzuk, horra:
Erreferendumak
'Espainiako edozein lurraldetan autodeterminazioa bultzatzea xede duen erreferenduma deituz gero', bi alderdiok aurka agertuko dira, gaur sinatutakoaren arabera. Espainiaren haustura ekarriko lukeen erreferendumik ez dutela onartuko jaso dute hitzarmenean.
Lana
Lan erreforma berri bat egitea aurreikusi dute bi alderdiok. Bertan, besteak beste, kontratu mota berri bat zehaztu dute, egonkorra eta mailakakoa, bi urteko iraupena izango lukeena. Kontratu mota berri horrek egungo aldi baterako kontratuak ordezkatuko lituzke. Hiru urtera, kontratua mugagabe bihurtuko da. Hala, hiru kontratu mota leudeke: egonkorra eta mailakakoa, mugagabea, eta errelebo kontratua.
Ingurumena
40 urte baino gehiagoko zentral nuklearrak ixtea jaso dute akordioan. Halaber, Fracking-a edo haustura hidraulikoaren teknika erabilita egindako prospekzioak kontrolatzeko eta baimenak mugatzeko moratoria aurkeztuko dute legealdi honetan.
Ustelkeria
Ustelkeria delituekin zerikusia dutelakoan ikertutakoek ez dute Ciudadanosen eta PSOEren hautes-zerrendetan lekurik izango. Karguan egonda ustelkeria delituren bat egotziz gero, pertsona hori kargugabetu egingo dute bi alderdiok.
Hezkuntza
Hezkuntzaren inguruko akordio sozial eta politikoa erdietsi nahi dute hurrengo legealdian, herritar guztiek hezkuntzarako duten aukera berdintasuna bermatuko duena. Bestalde, LOMCE legearen ezarpena bertan behera geratuko da, oraindik indarrean sartu ez den ataletan.
Kultura
Kulturako produktuei egun ezartzen zaien % 21eko BEZ zerga % 10era jaistea adostu dute. Jabego Intelektualaren Legea erreformatzea, pirateriaren kontrako neurriak ezartzea edota Cervantes Institutuaren lana bultzatzea hitzartu dituzte, besteak beste.
Osasuna
Osasun Sistema Nazionalaren hedadura unibertsala berrezartzea jaso dute akordioan; osasun sistema publikoa, unibertsala, kalitatezkoa, doakoa eta herritar guztientzat eskura egongo dena.
Konstituzioaren erreforma
Konstituzioa erreformatzeko azpibatzorde bat eratzea ere adostu dute. Sei hilabeteren buruan, erreformaren nondik norakoak zehazteko bilerak hasiko lirateke. Proposatutako erreformen artean, Senatuaren berrantolaketa jaso dute.
Hauteskunde sistemaren erreforma
Hauteskunde legea erreformatzea beharrezkotzat jo dute Ciudadanosek eta PSOEk. Hori gauzatzeko, azpibatzorde bat sortzea adostu dute. Proportzionaltasuna hobetzea da helburuetako bat.
Autonomien finantziazioa
Autonomia Erkidegoen Finantziaziorako Lege Organikoaren erreforma ere jaso dute gaur izenpetutako akordioan. Autonomien arteko berdintasuna eta koordinazioa bermatzea nahi dute erreforma honen bidez.
ma honen bidez.Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.