'Urdangarinek eta Torresek dirua bideratzen zuten haien enpresetara'
Luis Tejeiro Noos Institutuko aholkulari kontulariak Palmako Auzitegian egindako deklarazioan adierazi duenez, Iñaki Urdangarinek eta Diego torresek "Noos Institutuak jasotzen zuen dirua euren sozietateetara bidaltzen zuten, gehien bat ekitaldi amaierako egiaztagiriak nahasita". "Badakit euren artean egiaztagiriak egiten zituztela dirua haien sozietateetara bidaltzeko".
Tejeirok lekuko gisa deklaratu du gaur Noos auzia epaitzen ari den 16. saioan. "Horrela heltzen zitzaien dirua enpresen jabeei, Diegori eta Iñakiri, euren zereginetarako… poltsikoratzeko hain zuzen", gaineratu du.
Tejeiroren arabera, urte amaieran "egiaztagiri asko egon ohi ziren" taldeko sozietateen artean, Urdangarinen eta Torresen artean erdibana banatzeko. "% 50 jasotzen zuen bakoitzak", baieztatu duenez.
"Langile faltsuak"
Luis Tejeiroren arabera, Iñaki Urdangarinek eta Diego Torresek langile faltsuak zituzten kontratatuta onura fiskalak lortze aldera.
Gainera, Marco Antonio Tejeiro anaia eta bazkideak esandakoa berretsi du, horrenbestez, Luis Tejeirok. Haren hitzetan, eramailearentzako txekeen bitartez kudeatzen zituzten nominak, Urdangarinek eta Torresek txeke horiek dirutan kobra zitzaten.
Pedro Horrach fiskalaren galderei erantzunda aitortu duenez, bera ere kontratatu zuen Noosek, baina ez zuen behin ere kobratu, Torresen "mesedetan".
"Kontu guztiak berak kontrolatzen zituen, azken zentimoraino", esan du Tejeirok Diego Torres hizpide hartuta.
Tejeiro anaia-arrebak jomugan izan dituzte Urdangarinek eta Torresek, kontularitza euren esku zegoela argudiatu baitute. Hain justu, kontrakoa deklaratu du Tejeirok.
Torresek eta Urdangarinek ematen zuten langile faltsuok kontratatzeko agindua, batez ere lehenengoaren esku zegoela nabarmendu du kontularia izandakoak. Argudiatu duenez, Torres arduratzen zen Noosen kontularitzaz eta langileen eta zergen gaineko aferez.
Langile faltsuen soldata "Noos Institutuaren jabeek, Diegok, eta gerora, Iñakik, jasotzen zuten", argitu du.
tu du.
Zure interesekoa izan daiteke
Laugarren Xedapen Iragankorra indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago eskatu behar zaio grebari amaiera emateko”
Eneko Andueza PSEko idazkari nagusia kritiko agertu da Monica Garcia Osasun ministroa jokatzen ari den paperaz medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko Faktoria saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta EAJrekin ikusteko dago”.
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.