Nooseko kontulari ohia: 'Aizoon enpresak langile faltsuak zituen'
Aizoon enpresak langile faltsuak zituela aitortu du gaur Marco Antonio Tejeiro Nooseko kontulari ohiak epaiketan. Aizoon Cristina infantaren eta Iñaki Urdanagarinen enpresa zen.
Pedro Horrach Tejeiro galdekatu du gaur. Aizoon kudeatzeko lanean ari zenean gizarte segurantzan bajak eta altak emateko ardura zuela berretsi du kontulari ohiak. Palmako duke ohien enpresan lanik egiten ez zuten pertsonen altak eta bajak kudeatu zituela onartu du Tejeirok.
Gezurrezko behargin batzuk Urdangarinen eta Julia Cuquerellaren, haren idazkariaren, senitartekoak ziren. Gainera, Pedralbes jauregitxoko eta idazkariaren etxeko langileak Aizooneko kideak ziren.
Onura fiskalak
Behargin faltsuekin langile kopuruagatik onura fiskalak lortzea helburu zuen enpresak, Horrachek uste eta damutuak berretsi duenez.
Damutuaren hitzetan, kenkari fiskalak lortzeko familia ugarietako amak kontratatzera heldu ziren eta Bartzelonatik at bizi ziren pertsonen kontratazioak ‘telelan’ bezala justifikatu zituzten, sozietatearen egoitza Pedralbesen zegoelako.
Atzo esandakoa berretsi du
Zerbitzurik ematen ez zuten eta soldatak kobratzen ez zituzten langile horiei ordaintzeko dirua formalki Iñaki Urdangarini eta Diego Torresi ematen ziela aitortu zuen atzo kontulari ohiak dagoeneko.
“Dirua belzteko modu bat al zen?”, galdetu zion fiskalak Tejeirori. “Bai” erantzun zuen akusatuak. Soldata faltsuak ordaintzeko eramaile-txekeak igorri, bankutik dirua atera eta Torresi eta Urdangarini gutun-azaletan ematen ziela azaldu zuen.
Tejeiroren ahotan, Cristina infantaren senarrak ere praktika horrekin etekina atera zuen, Aizooneko jabea zelako, bere emaztearekin batera.
Zure interesekoa izan daiteke
Begoña Gomez epaitzea erabaki du Peinado epaileak eta pasaportea kendu dio
Espainiako Gobernurko presidentearen emazteak ustez egin izango lituzkeen delituak ikertzen ari da epailea eta ahozko epaiketa aurreko fasean hartu ditu kautelazko neurriak. Espainiatik ateratzea debekatu dio eta hamabosetan behin epaitegian agertu beharko du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.