Infanta: 'Senarrarekin fio naiz, seguru nago errugabe dela'
Cristina infantak ostegun honetan deklaratu du Noos auziko epaiketan, Iñaki Urdangarin senarrak 16 orduz deklaratu ostean.
Felipe VI.a Espainiako erregearen arrebak uko egin dio aldeen galderei erantzuteari, eta bere abokatuak egindakoen aurrean baino ez du hitz egin.
Abokatuak egindako galdeketan, Juan Carlos erregearen alabak esan du etxeko lanak senarrarekin partekatzen zituela, eta hark "familiaren kudeaketa ekonomikoak" egiten zituela.
Aizoon enpresari dagokionez (Urdangarinekin batera erdibana sortu zuen), bertan "sinadura gaitasunik eta botererik" ez zuela deklaratu du Cristina Borboikoak.
"Egiten genuen guztia kontrolatuta zegoen", esan du infantak.
Horren esanetan, Errege Etxeak ez zion debekatu enpresak sortzea, eta, Aizoon sortu baino lehen, aholkuak eskatu zizkion Carlos Garcia Revenga infanten idazkariari. Aldi berean, Urdangarinek Federico Rubio Errege Etxearen zerga aholkulariari ere eskatu zizkion gomendioak.
Infantak esan du ez zuela botererik enpresan, eta ez zuela erabiltzen bere izenean zuen Visa txartela ("hark –senarra- erabiltzen zuen"). Gainera, Aizoonen kudeaketan ez zuela parte hartzen erantsi du.
Erregearen arrebak azaldu duenez, Urdangarinen diru-sarrerak "bideratzeko" sortu zuten Aizoon, eta senarrarekin "konfiantza" zuelako onartu zuen konpainia sortzea: "Eskatu egin zidan, eta onartu egin nuen".
Urdangarinekin fio zela hainbatetan errepikatu du. Are gehiago, senarra "errugabe" dela ziur dagoela nabarmendu du: "Konfiantza osoa dut, eta ziur nago errugabe dela".
Bestalde, bien artean Aizooni buruz hitz egiten ez zutela ziurtatu du: "Beste gai batzuei buruz hitz egiten genuen, ez zitzaidan interesatzen; garai hartan seme-alabak oso txikiak ziren eta goraino geuden".
Cristina Borboikoaren aurka akusazioa aurkeztu duen alde bakarra herri akusazioa (Manos Limpias sindikatua) da. 8 urteko espetxe zigorra eskatu du harentzat.
Zure interesekoa izan daiteke
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.