Urdangarin: 'Infantak ez zuen inoiz Aizoonen Visa txartela erabili'
Iñaki Urdangarin Palmako duke ohi eta Noos auziaren akusatu nagusietakoak epaiketaren gaurko saioan adierazi duenez, Aizoon sozietatearen % 50ren jabe izatearren bankuak Cristina infantari bidalitako Visa txartela berak kudeatzen zuen, eta, beraz, emazteak ez zuen "inoiz" erabili, "klabeak ere ez zituen", erantsi du.
Hirugarren deklarazio eguna du gaurkoa Urdangarinek. Virginia Lopez Negrete Manos Limpiaseko abokatuak egindako galderei erantzunez, aurreko bi egunetan eutsitako tesia defendatu du Urdangarinek: infantaren errugabetasuna. Haren hitzetan, emazteak ez zuen "inoiz" ustez gastu pertsonalak ordaintzeko erabili zen txartela erabili, eta berak eta Aizoonen idazkariak kudeatzen zuten.
Txartela gastu pertsonalak ordaintzeko erabiltzen ote zuten itaunari (ile-apaindegi, supermerkatu eta farmazia tiketak daude) ezjakintasunaren alorretik erantzun dio Urdangarinek. Esan duenez, gastu pertsonalen eta sozietatearen ziurtagiriak, denak, idazkariaren esku uzten zituen, eta idazkariari zegokion "Aizooni egotzi beharrekoak zeintzuk ziren erabakitzea". "Kontulariarekin hitz egingo zuela suposatzen du", erantsi du.
"Nik tiketak ematen nizkien, euren lana zen gastuak sailkatzea, horretarako nituen kontulariak, lanok egiteko", argudiatu du Urdangarinek.
Aizoonen kontura ordaindutakoen artean, altzarien faktura bat dago. Urdangarinen hitzetan, "Aizoonen bulegoen altzariak izango ziren". Alokairu gastu bat ere badago (hileko, 515 euro), eta horren inguruan galdetuta, zerena zen ez dakiela esan du erregearen koinatuak. "Ni ez nintzen fakturazioaz arduratzen", arrazoitu du.
Infantaren lana
Aizoon sozietatea sortuta, horren erdia emazteari zergatik eman zion ere galdetu dio Perez Negretek. "Konfiantza kontu bategatik egin nuen. Berak jakin zezan zertan hasi behar nintzen. Ondoan nahi nuen", azaldu du. Hori bai, sozietatean inongo funtziorik ez duela berretsi du.
Senar-emazteak Palmako epaitegira heltzen, gaur. EFE
Infanta Aizoonen bileretara joaten ote zen itaundu diotenean, batzarrik egiten ez zutela argitu du Urdangarinen: "Gure aholkulariek dokumentazioa prestatu zuten, nik berrikusi eta gero berak sinatzen zuen". Aurretik deklaratutakoarekin talka egin dute adierazpenok. Izan ere, instrukzio epaileari esan zionez, bileretara joaten ziren biak.
"Orokorrean, ez genuen lanaz asko hitz egiten", nabarmendu du Urdangarinek, eta horrela arrazoitu du infantak berak egindako lanen inguruko xehetasunik ez jakitea. Duke ohiaren arabera, "apenas ezagutzen zuen nire lana". Aizoonen mezu elektroniko batzuetan Cristina infanta kopian ageri dela eta, "garrantzitsuak" iruditzen zitzaizkion gaien inguruen berri eman nahi ziola aitortu du, dena den.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.