Erregearen abokatuak beste fundazio bat sortu zuen Urdangarinentzat
Diego Torres Noos Institutuko bazkide ohiak azaldu du Espainiako errege-etxearen aholkulariek Iñaki Urdangarinek Noos Institutuan egiten zuen guztia gainbegiratzen zutela eta urtero erakunde horren zerga-ordainketak ikuskatzen zituztela. Alabaina, Cristina infantak horrekin guztiarekin loturarik ez zuela erantsi du, proiekturik zuzendu ez zuela argudiatuta.
Torresek epailearen aurreko deklarazioan esan duenez, PSOE hainbat ekimen edo foro zalantzan jartzen hasi zenean utzi zion Balearretako Gobernuak erakunde horri dirua emateari. Hain zuzen, 2005-2006 urteetan Noos Institutuak antolatutako hainbat fororen inguruan galdera parlamentarioak egin zituzten sozialistek Balearretako ganberan.
Torresen hitzetan, 2007an utzi zion Balearretako Gobernuak aurretik adostutakoa ordaintzeari. Gobernu horretako orduko Kirol zuzendariak, Jose Luis Ballesterrek, ondorengoa esan ziola ziurtatu du Iñaki Urdangarinen bazkide izan zenak: "Begira, galdera parlamentario bat dagoenez, ez baldin badugu ordaintzen, ez dute kexatzeko arrazoirik".
Hitzon aurrean, Torresek Urdangarinen bitartekaritza eskatu zuen, ordurako Noos Institutua utzita baitzuen. Ondorioz, Noos Institututak "zegokion" dirua jaso zuen, "agindutako lana, burutu zuen eta", zehaztu du Torresek.
Illes Balears Forum (2005ean eta 2006an) ekimenak antolatzeko sinatutako hitzarmenen "legezkotasuna" defendatu du. Noos Institutuak 2,3 milioi euro inguru jaso zituen, ustez modu irregularrean, ekimen hori antolatzeagatik. Torresen arabera, "ikuskapen zorrotzak" zituzten "maila guztietan". "Hamabostero, egiten genuen guztia gainbegiratzen zuten eta txostenak bidaltzen ziren", ziurtatu du.
Beste fundazio bat
Bestalde, Torresek azaldu duenez, Jose Manuel Romero Juan Carlos Borboikoa erregearen abokatuak Urdangarini Noos Institutua utzarazi zionean, kirolarekin lotutako beste fundazio bat sortu zuen Cristina infantaren senarrarentzat. Hori bai, abokatuak argi utzi omen zuen Urdangarinek ez zuela sortzaile bezala agertu behar fundazio berri horretan.
Torresen hitzetan, Noos Institutua utzi zuenean ondorengoa esan zion Urdangarinek: "zer egin behar dut nik orain?, nola igaro behar dut denbora?".
Enpresetako administrazio kontseilutako kide izateak ez zuela Urdangarin "asebetetzen" deklaratu du Torresek, "kirolarekin ez zutelako loturarik". "Kirolarekin zerikusia zuen beste fundazio bat sortzea aholkatu zioten, interes ekonomikorik gabea, kirol munduarekin lotuta jarrai zezan", azaldu du.
an", azaldu du.Zure interesekoa izan daiteke
Begoña Gomez epaitzea erabaki du Peinado epaileak eta pasaportea kendu dio
Espainiako Gobernurko presidentearen emazteak ustez egin izango lituzkeen delituak ikertzen ari da epailea eta ahozko epaiketa aurreko fasean hartu ditu kautelazko neurriak. Espainiatik ateratzea debekatu dio eta hamabosetan behin epaitegian agertu beharko du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.