Chavesek berretsi du bere garaian ez zela erabaki ilegalik hartu
Manuel Chaves Andaluziako presidente izandakoa oihu eta irain artean hartu du herritar talde batek, Sevillako epaitegien atarian, Enplegu-Erregulazioen Espedienteen auzian deklaratzera joan denean.
Bizkartzainek lagunduta iritsi da Chaves, eta autotik eraikinera oinez egin dituen hogei bat metroetan herritar talde bat hurbildu zaio, "txorizo" eta "ez dago ogiririk hainbeste txorizorentzat" oihuka.
Agerraldia bukatu ostean hedabideei igorritako ohar baten bidez Chavesek adierazi duenez, Gorenean "hainbat orduz" egindako deklarazioa berretsi egin du. Chavesen esanetan, bertan epaile instruktorearen eta fiskalaren "galdera guztiei" erantzun zuen "transkripzioan, 49 orrikoa, jasota dagoenez".
"Deklarazio horretan nire zeregina argi dago, gertatutakoaren harira. Aurreko apirilaren 14tik hona, ez da aldaketarik egon Auzitegi Gorenean egin nuen deklarazioaren gainean. Ez da ezer aldatu eta nire jarrera ere ez da aldatu, hori dela eta, Instrukzio Epaitegian esandakoa berretsi egin dut bere osotasunean", dio Chavesek oharrean.
Era berean, berretsi egin du "beste behin ere" berak gidatutako Gobernu Kontseiluetan, Andaluziako Juntako presidente izan zen garaian, ez zela "inoiz inolako legez kanpoko erabakirik hartu edo bultzatu".
Chavesen ondoren, Jose Antonio Griñan Juntako presidente ohia ere denak deklaratu du eta, aurrekoak bezala, 2015eko apirilaren 9an Auzitegi Gorenean "inputatu" gisa egindako deklarazioa berretsi du.
Griñanek ere prentsa oharra bidali du eta, bertan azaldu duenaren arabera, Gorenean emandako epaia "lau ordukoa eta 63 orrikoa izan zen eta instruktoreak eta Goreneko bi fiskalek parte hartu zuten". Bertan, nabarmendu duenez, azalpen "argiak eta zehatzak" eman zituen "119 galderei erantzunda".
Agerraldia bukatu denean, Jose Maria Mohedano Griñanen abokatuak kritikatu egin du PPren Gobernuak "presioa egin" duela Griñanek eta Chavesek LETaren auzia ikertzen duen epailearen aurrean deklara eta "paseoa" egin zezaten "ustelkeria kasu berriak orekatzeko asmoz".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.