Manifestazio jendetsua Bilbon, euskal presoak etxeratzea eskatzeko
Milaka lagunek parte hartu dute Bilbon, euskal preso eta iheslarien eskubideen eta etxeratzearen alde eta "Amnistiaren bidean, preso eta iheslariak etxera" lelopean, igande eguerdian egin den manifestazioan.
Preso Politikoen Nazioarteko Egunarekin bat eginez, preso eta iheslari izandako 1.650 lagun baino gehiagok sinatu dute manifestua.
Sinatzaileek beren babesa azaldu nahi diote EPPK euskal preso politikoen kolektiboak hartu duen bideari, hots, etxeratzeak azkartzeko lege baliabideak erabiltzeko hautuari.
Hainbat alderdi politiko, sindikatu eta erakundek bat egin dute Bilboko La Casillatik abiatu eta udaletxean amaitu den manifestazioarekin. Buruan, besteak beste, Juan Mari Olano, Antton Lopez "Kubati", Itziar Aizpurua, Xabier Alegria eta Miren Zabaleta preso ohiek izan dute manifestazioko pankarta eramateko ardura.
Manifestazio burua. Argazkia: EFE
Halaber, mobilizazioan izan dira ezker abertzaleko Rufi Etxeberria, Iker Casanova edota Arnaldo Otegi eta Ainhoa Etxaide LABeko idazkari nagusia ere.
Manifestazioa hasi baino lehen Juan Mari Olano preso ohiak hitz egin du kazetarien aurrean eta amnistiaren aldeko estrategia moldatu beharra dagoela onartu ostean, presoek hartzen duten edozein erabaki babesten dutela nabarmendu du. "Presoei solik dagokie noiz, nola eta zer egin erabakitzea. Guk babes osoa eskainiko diegu hartzen dituzten erabaki guztien aurrean. Ez daude bakarrik eta gizartearen bultzada eta laguntza izango dute ibilbide horretan", azaldu du Olanok.
Bestalde, Antton Lopez Ruiz "Kubati" preso ohiak presoen gaia agenda politikoan sartzea eskatu die alderdi politikoei eta gizarteari. Ildo horretan, nabarmendu du kolektiboa prest dagoela adiskidetzearen bidea egiteko eta legaltasunaren bidean urratsak egiteko, baina "salbuespenezko legediak" egoera oztopatzen duela. Dena den, horretrako "testuinguru egokia" izatea beharrezkoa dela gaineratu du. "Presoak atera eta iheslariak etxera ekarri behar ditugu. Hori gertatu arte zaila izango da berradiskidetzea gauzatzea, ezingo baitugu guztiok etxean egon", amaitu du.
Manifestazio burua 13:00ak pasatxoan iritsi da udaletxera, eta ondorengo ekitaldian komunikatua eta Belen Egües, Asier Ormazabal eta Josetxo Arizkuren, 'Kantauri' presoek bidalitako gutunak irakurri dituzte.
Manifestazioa Bilboko udaletxearen parean amaitu da. Argazkia: Daniel Rodriguez Fuentes
Amaierako ekitaldian Juan Mari Olanok hartu du hitza. Haren esanetan, presoek eurek bakarrik ezin dute pairatzen duten egoera "desaktibatu" eta "gure laguntza behar dute". Azken bost urteotan Euskal Herrian hainbat gauza aldatu direla onartu ostean, aitzitik, kartzeletako egoera "negargarria" dela eta "atzera egin" duela salatu du.
Presoek erabaki behar dutela adierazteaz gain, bidea eta helmuga ez direla nahasi behar azpimarratu du. Gainera, euskal presoak etxeratzeko borrokak, halabeharrez, mailakatua izan behar duela nabarmendu du.
"Gizartearekin batera egin nahi dugu, baina irmotasunez. Ez dugu gaixo dauden presoen espetxealdia luzatu behar", azaldu du. Are gehiago, gaixo dauden presoak lehenbailehen etxeratzearen alde egin du.
Ildo berean, sakabanaketa politika amaitzea aldarrikatu du. Haren esanetan , presoentzat ziegak berdinak dira kartzela guztietan, baina senide eta lagunak dira sakabanaketa pairatzen dutenak.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.