De Miguel auziaren ahozko epaiketa egitea agindu du epaileak
Maria Eneida Arbaizar Gasteizko Instrukzioko 4 zenbakiko Epaitegiko magistratuak De Miguel auziaren ahozko epaiketa egitea agindu du. Euskadin inoiz ikertu den ustezko ustelkeria kasu handiena da honakoa.
Legez kontrako komisioak kobratzeko ustezko sare batean parte hartu izana leporatu diete auzian nahasitako 26 lagunei, tartean Arabako EAJren buruzagi ohi batzuei (Alfredo de Miguel EAJren Araba Buru Batzarreko bigarrena izan zena da auzipetu nagusia).
Astearte honetan kaleratutako autoan, kautelazko hainbat neurri hartu ditu epaileak. Besteak beste, Alfredo de Migueli 16,5 milioi euroko isuna jartzea eta 133.920 euro konfiskatzea erabaki du.
Fiskaltzak, bere aldetik, ia 55 urteko kartzela-zigorra eskatu zuen auzipetu nagusiarentzat, eta 27 delitu egotzi zizkion, besteak beste, funtzionario-eroskeria, elkartze ez-zilegia, kapitalak zuritzea eta influentzia-trafikoa.
Bermeen zenbatekoa murriztu du epaileak
Fiskaltzaren akusazio idatzian aipatutako 26 pertsonen kontrako ahozko epaiketa agindu du epaileak autoan, baina eskatutako bermeen zenbatekoa murriztuta.
Hala, Alfredo de Miguelentzat 16,5 milioi euroko kautelazko ordainketa eskatu du. Aitor Telleria eta Koldo Ochandiano EAJko kide ohientzat, berriz, 879.000 eta 588.000 eurokoak, hurrenez hurren.
Gainerako akusatuentzat ere berme handiak galdegin ditu epaileak. Jesus Arrutirentzat, adibidez, 9,2 milioi euroko fidantza eskatu du, eta Francesc Fernandez, Joaquin Sabater, Placido Casas eta Ramon Tomas Riba akusatuentzat 6,4 milioi eurokoa.
Arabako Foru Aldundia auzitik kanpo geratu da. Jaurlaritzak akusazio zibil gisa jarraituko du.
Arabako Teknologia Parkeko kontratu publikoetan lehiatzeko legez kanpoko komisioa eskatu ziotela esanez, 2009an enpresaburu batek aurkeztutako salaketak abiatu zuen auzia.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.