Rajoy-Sanchez, Espainiako gobernagarritasunerako bilera erabakigarria
Mariano Rajoy jardunean dagoen Espainiako Gobernuko presidenteak Pedro Sanchez PSOEko burua Diputatuen Kongresuan bildu dira, exekutibo berria osatzeko egiten ari den bilera-errondaren baitan. Bere inbestidurarako babes bila jo du sozialistengana Rajoyk, baina PSOEk, dagoeneko, aurreratu du PPren Gobernuari ezetz bozkatuko diola eta abstentzioaren aukera ere baztertuta duela.
Atzo goizean Albert Rivera Ciudadanoseko presidentearekin elkartu zen Rajoy. PPren Gobernua babestea baztertu egin zuen alderdi laranjak, baina Rajoyren Gobernua ahalbidetzeko abstentziora jotzeko aukera zabalik utzi zuen. Zuzendaritzaren bilera deitu du gaurko Ciudadanosek, Rajoyren balizko inbestidura saioan (lehendabiziko eta bigarren bozketan) alderdiak izan behar duen jarrera erabakitzeko: kontra edo abstentzioa.
Pablo Iglesias Podemoseko burua ere atzo elkartu zen Rajoyrekin, arratsaldean. Bileraren ostean egindako adierazpenetan, Iglesiasek PSOEri egin zion presio. Podemoseko idazkari nagusiak esan zuen Alderdi Sozialistak abstentzioaren bitartez Rajoy presidente izatea ahalbidetzen badu, PSOE Alderdi Popularraren bazkide bilakatuko dela, eta, ondorioz, Podemos izango litzatekeela oposizioko lehen indarra.
Cesar Luena PSOEren Antolakuntza idazkariak, bere aldetik, asteon nabarmendu duenez , Rajoyren Gobernuaren aurrean sozialistek duten jarrera "jakinekoa" da. Dena dela, hirugarren hauteskundeen edota abstentzioaren artean zer aukeratuko luketen galdetuta, honakoa erantzun du: "Gauza bakoitza bere momentuan".
Inbestidura, udan
PPk Gobernua lehenbailehen osatzeko premia nabarmendu du, azken egunotan, behin eta berriz, sei hilabetez jardunean egoteak "herrialde osoari kalte" egiten diola argudiatuta. Popularren hitzetan, alderdi eta buruzagi guztiek "arduraz" jokatzen badute, uztailaren amaieran edo abuztuaren hasieran egin liteke inbestidura saioa.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".