Rajoy PPren zuzendaritzarekin izango da gaur, Riverarekin negoziatzeko
Mariano Rajoyk PPren zuzendaritza deitu du asteazken honetarako, xede izanik Ciudadanosekin negoziatzeko babesa bereganatzea, eta baieztatzea Riveraren alderdiak ezarritako baldintzak onartzen dituela. Ciudadanosekin adostasuna lortuta, inbestidurari begira negoziatzen hasiko lirateke.
12:30etik aurrera, PPren nazio-egoitza bilduko da PPren zuzendaritza Rajoyrekin. Ciudadanosek sei baldintza jarri dizkio PPri; berez, zazpi dira, inbestidurarako data bat ezartzeko konpromisoa ere baitago tartean.
Ez da ustekaberik espero, eta badirudi PPk baiezkoa emango diola Mariano Rajoyri, baina, iturri batzuen arabera, ñabarduraren bat egin liezaieke PPk Riveraren baldintzei. Hainbat kasutan, gainera, baldintza horiek PSOEren babesa ere beharko lukete, konstituzio-erreforma bat ere ekarriko luketelako.
Nolanahi ere, horien ustez, baldintza guztiak dira onargarriak (ustelkeriaren aurkako borroka eta birsorkuntza demokratikoaren gainekoak dira). Horien artean, PPren balizko legez kontrako finantziazioa ikertzeko batzordea legoke; izan ere, batzorde hori PPren ezezkoarekin ere egin liteke, baldin eta alderdi guztiek aldeko botoa emango balute.
Ciudadanosek PPri ohartarazi dionez, baina, baldintza horiek ezin dira negoziatu.
Pedro Sanchezek Batzorde Iraunkorra deitu du ezezkoa berresteko
Pedro Sanchez PSOEren idazkari nagusiak, bere aldetik, bilera deitu du Kongresuan, eta bere alderdiaren Batzorde Iraunkorrarekin eta Talde Sozialistaren zuzendaritzarekin bilduko da eguerdian. Batzorde Federalak hartutako erabakia (Mariano Rajoy presidenteari ezezkoa ematea, alegia) berretsiko dute bertan.
Albiste gehiago politika
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzea leporatuta, ezker abertzaleko 6 kideren aurkako epaiketa hasi da gaur Auzitegi Nazionalean. Saioa hasi orduko, epaileak akordioaren berri eman du. Fiskaltzak bost urte eta zazpi hilabeteko espetxea eskatzen zuen seirentzat, biktimak umiliatzea eta talde kriminaleko kide izatea egotzita.
Abalos Auzitegi Gorenera iritsi da eta Garciak deklarazioa atzeratzea eskatu du
Abalosen aholkulari ohia eguerdian zen deklaratzekoa, ministro ohiaren ondoren, baina abokatu berriak deklarazioa atzeratzea eskatu dio epaileari, kasuaren ikerketari lotutako agiri denak ez dituela jaso azalduz.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.