Itsasoarrek irailean erabakiko dute udalerri berria eratzen duten
Itsasoko (Gipuzkoa) bizilagunek irailaren 18an, igandea, erabakiko dute Ezkiotik bereizi eta Gipuzkoako 89. udalerria eratu nahi duten ala ez. Gipuzkoako Foru Aldundiak deitu du desanexiorako galdeketa, eta, erabakia loteslea ez den arren, emaitza errespetatu egingo dutela iragarri du.
Itsason bertan egingo da galdeketa, 09:00ak eta 20:00ak bitartean, eta Itsason erroldatuta dauden bizilagunek “bai” ala “ez” erantzun beharko diote galdera honi: “Nahi al duzu Itsaso berriro udalerri izatea?”.
Herritarren erabakia egunean bertan ezagutaraziko da, eta emaitza baiezkoa bada, Aldundiak desanexiorako foru dekretua kaleratuz burutuko du espedientea. Halaber, datozen udal hauteskundeak izan arte, batzorde kudeatzailea eratuko da Itsason, eta gaur egun Ezkio-Itsasoko Udalbatzarrean Itsasok dituen bi ordezkariek Ezkioko biri utziko diete kargua.
Bestalde, Imanol Lasa Aldundiko bozeramaileak azpimarratu duenez, “Itsasoko herritar guztiei hitza emango zaie egun horretan”, eta, galdeketari esker, “hasieratik adostu” zuten "zirkulua itxi" egingo dute irailaren 18an.
Lasaren arabera, Itsaso udalerri izateko desioa “beti egon da gogoan, batzuetan indar gehiagorekin eta bestetan gutxiagorekin. Era berean, egindako guztia “adostasunetik abiatuta” egin dutela esan du Lasak: “Momentu oro, Aldundiaren eta Udalaren eskutik joan dira sustatzaileak”.
2015eko martxoaren 16an egindako Osoko Bilkuran, Ekzio-Itsasoko Udalak Itsasoko udal eremuaren desanexioa onartzea eta udalerri gisa eratzea onartu zuen.
Erabaki horren inguruko espedientea apirilaren 4an helarazi zion Foru Aldundiari, eta inplikatutako eragileek hainbat elkarrizketa izan ondoren, herri galdeketa deitzea erabaki du Aldundiak, agiri batean jakinarazi duenez. Modu horretan, babesa adierazi nahi dio hasieratik ezagutu eta erraztu duen prozesuari.
2/2003 Foru Arauaren bigarren xedapen iragankorrean dago desanexiorako oinarri juridikoa. Xedapen horren arabera, 60ko hamarkadan bat egin behar izan zuten udalerrien kasuan, ez da beharrezkoa bertako bizilagunen iritzia kontuan hartzea desanexioa gauzatu eta bategitearen aurretik zituzten ezaugarri historikoak berreskuratu nahi izanez gero.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.