Urkulluren aburuz, PP-C's itunak autogobernua mehatxa dezake
Iñigo Urkullu lehendakariak ohartarazpena egin die gaur euskal herritarrei; izan ere, bere aburuz, "PPren eta Ciudadanosen arteko itun batetik autogobernua mehatxuan jartzeko arriskua" etor daiteke.
Urkulluk Donostiako Hipodromoan egin ditu adierazpen horiek, Eusko Jaurlaritza Sari Nagusia zaldi-lasterketa ikusten sartu aurretik.
EAJren lehendakarigaiak "ohartarazpena" egin die euskal herritarrei "jakitun izan daitezen" zein diren euskal autogobernuaren sustraiak eta ezaugarriak. Horren hitzetan, bere alderdiak autogobernuan "lan egiten jarraitu nahi du", gizartearen ongizatearen alde.
Alderdi Popularraren eta Ciudadanosen arteko balizko itunaren aurrean, "erne gaude gure autogobernuarentzat mehatxua izan daitekeenaren aurrean", azpimarratu du Urkulluk.
Lehendakariak kritikatu egin du bi alderdi horiek Estatuaren erreformez hitz egitea, benetan behar dena "Estatu plurinazionala berriro eratzea" denean.
Ciudadanosek politika egiteko daukan moduari buruz galdetuta, Urkulluk esan du jeltzaleek mehatxua antzematen dutela alderdi horrek Kontzertu Ekonomikoaren aurka erabiltzen duen arrazoibidean, eta alderdi nazionalistekin hitz egin nahi ez duela ikusita.
EAJ PSOEk zuzendutako gobernu bat babesteko prest egongo litzatekeen ere galdetu diote, eta horren aurrean Urkulluk erantzun du Alderdi Sozialistak abenduaren 20ko hauteskundeetatik daukala mahai gainean "euskal agendaren edukia".
Bestalde, Urkulluren esanetan, Estatuan dagoen "akordio gabezia" eta Euskadin dagoen errealitatea oso bestelakoak dira. "Adostasunak bilatzeko asmoak desberdintzen gaitu", nabarmendu du lehendakariak.
Zure interesekoa izan daiteke
Albiste izango dira: Industria Defendatzeko Taldearen bilera, martxoaren 11ko atentatuen urteurrena eta aurreakordioa EAEko eskola publikoetako jantokietan
Gaurkoan Orain-en albiste izango direnen laburpena, bi hitzetan.
Konstituzioaren Laugarren Xedapena indargabetzea eskatu du UPNk, "independentismoa hazten ari den une honetan"
Cristina Ibarrolak gogoratu du UPNren aspaldiko nahia dela artikulu hau indargabetzea, Konstituzioaren erreforma baten bidez, eta orain pausoa emateko arrazoien artean "euskal independentismoa" izaten ari den bilakaera aipatu du.
Ikasle-mugimenduaren aurkako kriminalizazio kanpaina salatu du EHUko ikasle talde batek
Gasteizko EHUko Letren fakultate atarian egindako agerraldian, ikasle talde batek Voxen agerraldiari eta Martxoaren 3ari lotuta ikasle-mugimenduak jasandako kriminalizazioa gaitzetsi dute. Ikasle hauek "EAJ eta eskuineko hainbat komunikabide" jo dituzte kanpaina horren erantzule.
Espainiako Gobernua "erantzun integrala" prestatzen ari da Ekialde Hurbileko gerraren ondorio ekonomikoak arintzeko
Familiak, enpresak eta autonomoak babesteko eta trantsizio energetikoa bizkortzeko neurriak hartuko ditu, eta ez da baztertzen beherapen fiskalak egitea.
Pradalesek lurralde arteko lankidetza aldarrikatu du, "krisiak eta gerrak pilatzen ari diren" testuinguru globalean
Akitania-Euskadi-Nafarroa Euroeskualdea integrazioaren adibide dela azpimarratu du "Europara ziur iiritsiko diren eztabaidei aurre hartzeko" gunea.
Euskal Hirigune Elkargoaren funtzioaren eta izaeraren inguruko eztabaida, hauteskunde kanpainan
Ipar Euskal Herrian udal hauteskundeak egingo dituzte martxoaren 15 eta 22an. 158 udaletako ordezkariez gain, Euskal Hirigune Elkargoa ere osoki berrituko dute. Azken erakunde hori 2017an sortu zen, eta bere zereginaren inguruko eztabaida oso presente dago kanpainan. Hainbat eragileren iritziak bildu ditu ETBk, aldekoak zein kontrakoak.
Auzitegiak onartu egin du Iñigo Errejonen aurkako bigarren sexu-eraso salaketa
2021ean gertatu omen zen sexu-eraso batekin lotuta dago azken hori, Elisa Mouliaa aktoreak aurkeztutako salaketaren ondoren.
EAJk Espainiako Gobernua estutu du "Tubos Reunidosek zorra berregituratu" eta bideragarritasun plan bat landu dezan
Jeltzaleek ohar baten bidez jakinarazi dutenez, industriak "une zailak bizi ditu Estatu osoan, argindarraren prezio altuen ondorioz". "Horregatik, denbora daramagu energia prezio lehiakorragoak lortzeko neurriak eskatzen", esan dute.
EH Bilduk "inperialismoaren aurka eta bakearen alde" egingo du Aberri Egunean
Iruñean, "zazpiak bat egin" lelopean, Euskal Herria "herri bat" eta "aske izan nahi duen nazio bat" dela aldarrikatuko du.
Abian da Ipar Euskal Herriko herriko bozetarako kanpainaren azken astea
160 udalerritako auzapezak hautatu beharko dituzte herritarrek eta espero da horietatik ia gehientsuenetan, % 90etan, lehen itzulian (martxoak 15) emaitzak erabakita gelditzea, hautagaitza bakarra edo bi daudelako. Aldiz, oso litekeena da 14 herritan bigarren itzulira (martxoak 22) joatea, hautagaitzetako batek ez badu behintzat lehenengoan % 50eko babesa gainditzen. Herriko etxeez gaindiko garrantzia dute bozek, emaitzen arabera osatuko baita, ondoren, Euskal Hirigune Elkargoa.