Rajoy: 'Gobernu osaketa egitate bat baino gehiago desio bat da'
Mariano Rajoy PPko buruzagi eta Espainiako jarduneko presidenteak gaur adierazi duenez, "gaur gaurkoz gobernu osaketa egitate bat baino gehiago desio bat da".
Rajoyren esanetan "irrigarria" litzateke hirugarrenez hauteskunde orokorrak egitea, baina "zenbaiten portaera" tarteko "zentzuzko zalantzak" ei ditu berriz ere bozak izango ote diren.
Urte politiko berriari hasiera emateko PPk Pontevedrako Cotobade udalerrian egindako ekitaldian, Mariano Rajoy Pedro Sanchez PSOEko idazkari nagusiari mintzatu zaio. Rajoyren hitzetan, "demokraziak gauza asko esan nahi ditu, baina bat da bere muina, hots, jendeak dioen horrek gobernatu" behar duela. Hori dela eta, erantzukizunez jarduteko eskatu die sozialistei.
Hala ere, aldi horretan "gauzaren bat" aldatu eta alderdi politiko batzuek PPrekin hitz egitea onartu izana goraipatu du, Ciudadanos eta Coalicion Canaria alderdiei erreferentzia eginez.
Bestalde, inbestidura ituna egiteko Ciudadanosekin abiatutako negoziazioen harira, datorren orduetan akordioa ixteko itxaropena agertu du Rajoyk. "Ahalegin bat egin dute eta egin dutena herrialdearen interes orokorrerako ona dela uste dut, eta bi alderdiekin akordioa laster ixtea espero dut", adierazi du Rajoyk.
Hala eta guztiz ere. PPk Ciudadanosekin eta Coalicion Canariarekin akordioa erdietsiko balu ere, ez litzateke "nahikoa" izango; izan ere, PPk 170 aldeko boto lituzke eta 180, berriz, kontra.
Ildo horretan, PSOEk ezezko botoa emanez gero Espainia abenduko egoera berdinean egongo dela eta hori herrialdearen interes orokorrentzat kezkagarria izango litzatekeela ohartarazi du Rajoyk.
Orain gauzak ongi doazela, baina egoera aldatu daitekeela nabarmendu du Rajoyk. Are gehiago, Espainia barrutik zein kanpotik hainbat abisu jaso dituztela eta egoera ezin dela denboran luzatu gaineratu du.
>
>
>
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.