Katalunia independente baten alde egin dute milaka lagunek
Milaka lagunek parte hartu dute igande honetan Diada edo Onze Setembreren harira Omnium Cultural elkarteak eta Kataluniako Batzorde Nazionalak deitutako martxan.
Aurten, bost manifestazio abiatu dituzte aldi berean, jai-giroa nagusi izanda, Bartzelonan, Tarragonan, Lleidan, Salten (Girona) eta Bergan (Bartzelona). Planteamendu horrekin Katalunia anitza dela adierazi nahi dute, izan ere, hiri bakoitzak balore batzuk ordezkatu ditu: Bartzelonak, askatasuna; Tarragonak, aurrerapena; Lleidak, lurralde-oreka; Saltek, justizia soziala; eta Bergak, kultura.
17:14ean Lleidako Seu Vellako katedralaren kanpaiak jo dituzte, eta horrela hasi dira elkarretaratzeak, 'A punt' lemapean, Estatu bihurtzeko Katalunia 'prest' dagoela aldarrikatzeko asmoz.
Carles Puigdemont Generalitateko presidentea Salteko manifestazioaren buruan izan da. Bartzelonakoan, berriz, Ada Colau Bartzelonako alkateak hartu du protagonismoa, Oriol Junqueras Generalitateko presidenteordearekin batera. Bestalde, Carme Forcadell Kataluniako Parlamentuko presidentea Tarragonako manifestazioaren buruan izan da.
Esteladak nonahi, ibilbidean zehar. Argazkia: EFE
Igande goizean, Rafael Casanovaren omenez egindako lore-eskaintza tradizionala egin dute, Bartzelonan. Ekitaldi hartan alderdi guztiek parte hartu dute, Ciudadanosek, PPk eta CUPek izan ezik.
Erreakzioak
Jose Manuel Garcia-Margallo Atzerri ministroaren "berehalako dimisioa" eskatu du Ada Colau Bartzelonako alkateak eta Barcelona En Comuko buruak, Margallok atzo egindako adierazpenengatik. Colauren iritzian, "terrorismoa eta erabakitzeko eskubidea lotu ditu" ministroak, "eta hori ez da batere inozoa izan, gaitzesgarria eta deitoragarria baizik".
Bestalde, Francesc Homs PDCko buruaren esanetan, Atzerri ministroa "Gobernu espainiarreko talibana da".
Halaber, Bakartxo Ruiz EH Bilduko parlamentari nafarra Bartzelonako manifestazioan ere izan da, eta "Estatu espainarraren mende egindako azken Diada" izateko itxaropena agertu du.
Hauteskunde konstituziogileak 2017rako
Nazioarte mailako komunikabideen aurrean Generalitateko egoitzan izandako prentsaurrekoan Carles Puigdemont Kataluniako presidenteak esan duenez, 2017ko Diadaren ostean "hauteskunde konstituziogileak" izatea espero du. Puigdemontek azaldu duenez, une hartan Katalunia egongo da "autonomiaren osteko eta independentziaren aurreko bidean".
Generalitateko presidentearen esanetan, Junts pel Sik eta CUPek legegintzaldi honetarako zehaztutako lanak amaituta egon beharko lirateke 2017ko "uztailaren amaierarako".
Adierazpen instituzionala
Puigdemontek berak adierazpen instituzionala egin zuen larunbat honetan, Diadaren bezperan, "Kataluniarekiko konpromisoetatik eta beharrizanetatik aldentzen" ari dela leporatu zion Gobernu zentralari.
Estatuak Katalunian dituen azpiegiturek "inbertsio gabezia kronikoa" pairatzen dutela deitoratu zuen Generalitateko presidenteak, eta horrek ekonomiari zein herritarren egunerokotasunari eragiten diola.
Horrela, Estatuak herritarrei legez, eta egoera politikoa edozein delarik ere eskaini behar dizkion zerbitzuei kontu egiten ez diela azpimarratu zuen.
Euskal politikariak Katalunian
EAJk eta EH Bilduk ordezkaritza bana bidali dute Kataluniara, Diadaren harian. Horrela, EAJren partez, Aitor Esteban EAJk Kongresuan duen bozeramailea eta Jokin Bildarratz Senatuko bozeramailea izango dira; EH Bilduk, berriz, Bakartxo Ruiz, Maiorga Ramirez eta Jon Iñarritu bidali ditu Kataluniara. Guztiek goizeko lore-eskaintzan parte hartu dute, eta arratsaldeko martxan izango dira.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.