Sortuk eztabaida-prozesua abiatu du, birsortze-kongresua egin aurretik
Sortuk asteburu honetan abiatu du eztabaida-prozesua, 2017ko urtarrilaren 21ean birsortze-kongresua egin aurretik. Militanteek zuzendaritza-taldea osatzeko hautagaiak eta horiek defendatuko dituzten ponentziak aurkezteko epea azaroaren 3ra arte egongo da zabalik. Plazaratu den lehenengoa Arnaldo Otegik babesten duen Zohardia izeneko testua izan da. Horren arabera, Sortuk alderdi-mugimendu gisa definitzen du bere burua, eta prozesu independentista martxan jartzea du helburu.
Halaber, "birsortze-kongresuaren erronka nagusia antolakuntza-eredu berritzailea eta eragilea ezartzea da, militanteen kultura berri baterako oinarriak zehaztu eta xede politikoak betetzeko", adierazi dute dokumentuan.
Zohardia ponentzia
Zohardia ponentzia da oraingoz aurkeztu duten bakarra, eta Sorturen egiturak egokitzea proposatu dute horren bultzatzaileek, baita behetik gora egingo den prozesu independentistaren ildo politikoa moldatzea ere.
Sorturen aburuz, egun euskal herritarrek dituzten behar sozialei erantzun ahal izateko tresna burujabetza eskuratzea da. Horretarako, Euskal Errepublika sortu beharra azpimarratu du, bitarteko horien guztien jabe izateko.
Era berean, Zohardiak Sortu alderdi-mugimendua izatea proposatu du, herri-dinamika eta erakundeetako lana uztartuko dituena. Zuzendaritza arinagoa izatea ere planteatu du: 9 kide, gehienez, eta Antolaketa Arduradun Nazionala, tartean. Bestalde, bi batzar antolatuko lituzkete kongresu batetik bestera: Konferentzia politikoa, batetik, eta Batzar Nazionala, bestetik.
Barne-antolakuntzari dagokionez, militantea edo sortzailearen figura sortuko lukete, eta bestelako joerak ere onartuko lituzteke, baldintzapean. Herri-mailan, berriz, tailerrak, dinamika ekintzaileak eta galdeketak prestatuko lituzkete. Internet bidez bozkatu ahal izango da, eta azaroaren 3ra arte egongo da ponentziak eta zuzendaritza berrirako hautagaitzak proposatzeko aukera. Abenduan eta urtarrilean aurkeztu eta zuzenketak egiteko aukera izango da, eta urtarrilaren 21ean, birsortze-kongresua egingo dute.
o dute.Zure interesekoa izan daiteke
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.