ETAri egotzitako armategi bat aurkitu dute Frantzian
Guardia Zibilak eta Frantziako Barne-Segurtasun Zuzendaritzak ETArena izan litekeen armategi bat aurkitu dute Frantzia iparraldean (Paristik 100 kilometro ingurura). Dirudienez, armategia ez zegoen indarrean, eta armak bidoien barruan zeuden lurperatuta.
Terrorismoaren kontrako iturrien arabera, armategiak dozenaka arma ditu, baina oraindik ez dute erabat argitu zenbat diren. Frantziako hedabideek zabaldu dutenez, ehun bat arma aurkitu dituzte lau bidoietan gordeta. Armak egoera onean daude eta, ikertzaileen hitzetan, armategi ''garrantzitsua'' da.
Espainiako Barne Ministerioren hitzetan, armategi ''estrategikoa'' da.
Zehazki, Oiseko departamentuko baso batean atzeman dute materiala, Pikardia eskualdean. Ikertzen ari dira bertan aurkitutako armak Sidam enpresan orain 10 urte egindako lapurretakoak ote diren, iturri horiek zehaztu dutenez. Urte hauetan Poliziak ETAren hainbat zulotan atzeman ditu lapurreta horretako armak, baina oraindik 350 bat zeuden galduta.
Gaurkoa aurkikuntza oso garrantzitsua dela azpimarratu dute iturri horiek, 2015eko maiatzean 28an Biarritzen beste zenbait arma atzeman ostean. Orduan, 19 errebolber, zazpi pistola, mila kartutxo baino gehiago, 3,2 kilo pentrita eta etxean egindako tenporizadoreak aurkitu zituzten.
Ikerketaren arabera, badirudi estatu espainiarreko eta frantseseko gobernuekin negoziatzeko erabili nahi zituzten armak.
Sortuk uste du ETAren armagabetzea oztopatzen duela
Sortuk uste du asteazken honetan Frantzian egindako operazioak agerian uzten duela "bi estatuek ez dutela ETAren armagabetze ordenatu bat egiteko borondaterik". Ohar batean adierazi dutenez, operazio honekin "oztopo berria" jarri diote armak erabilpenetik kanpo uzteko ETAk adierazitako borondateari.
Sorturen hitzetan, operazioak agerian uzten du "garaileen eta garaituen" kontaketa sortzeko "obsesioa", eta horrek nabarmentzen du Mariano Rajoy jarduneko presidentea "ez dela Santo" Kolonbiako presidentea.
"Euskal gizarteak erantzukizuna duten alde guztiei eskatzen die ETAren desarmea egiteko eskema adostea", dio Sortuk.
Fernández Díaz: 'ETA disolbatuko balitz, espetxe politika berraztertuko litzateke'
Jorge Fernandez Díaz jarduneko Barne ministroak asteazken honetan esan du "ETA erabat garaitua" dagoela eta, gaur aurkitutako armategiaren ostean, jada disolbatzea dela aukera bakarra. "Disolbatuko balitz agerikoa da, modu orokor batean, espetxe politika berraztertuko litzatekeela", esan du elkarrizketa batean.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.