Martxoak 3 elkartea: 'Inpunitatearen kontrako aro berria hasi da'
Gasteizko Martxoak 3 elkarteak pozez hartu ditu Arabako Batzar Nagusiek, Foru Aldundiak eta Gasteizko Udalak hilketen harira aurkeztutako bi kereila kriminalak. Elkartearen ustez, "inpunitatearen kontrako aro berria hasi da".
Arabako hiru erakundeek kereila kriminala aurkeztu zuten atzo, 1976ko martxoaren 3an izandako hilketak argitu eta ardura penalak eskatzeko. Langileen protesta batean parte hartzen ari ziren bost pertsona hil zituen tiroz Espainiako Polizia Armatuak. Hildakoez gain, ehunka lagun zauritu ziren duela 40 urteko sarraskian. Oraingoz, ez dute inor zigortu egun hartan Arabako hiriburuan gertatutakoagatik.
Andoni Txasko eta Nerea Martinez Martxoak 3 elkarteko kideek balorazioa egin dute biharamunean. Kereilak tramitera onartu dituztelakoan daude, eta, hala, "inpunitatearen kontrako aro berria" hasiko dela nabarmendu dute. Izan ere, euren aburuz eta nazioarteko jurisprudentziak hala ezarrita, gizateriaren kontrako delituek "ez dute preskribatzen", eta ezin da amnistia eman.
Atzokoan aurkeztutako kereilez gain, Maria Servini Argentinako epaileak Frankismoko krimenengatik (1976ko sarraskia ere tartean dago) zabaldutako auzia ere badago. 20 pertsona atxilotzeko agindua eman zuen Servinik, baina Txaskok gogorarazi duenez, Estatua estradizioen kontra azaldu da, eta Fiskaltzak inputatuak galdekatzea "oztopatu" du.
Horregatik guztiagatik, Arabako erakundeen kereilak oso garrantzitsuak direla uste dute Martxoak 3 elkarteko kideek. Egia jakiteko, justizia lortzeko eta biktimei eragindako mina aitortzeko "aukera" emango du, euren iritziz.
Beste erakunde batzuek (Gipuzkoako zein Bizkaiko Foru Aldundiak eta Batzar Nagusiek eta Estatuko udal batzuek) ere kereilak aurkeztea pozgarria dela esan dute Martxoak 3 elkarteko kideek.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.