Lehendakariaren inbestidura saioa, azaroaren 23an eta 24an
XI. legealdiko lehendakaria aukeratzeko inbestidura saioa azaroaren 23an eta 24an, asteazkenez eta ostegunez, egingo dute Eusko Legebiltzarrean, Bakartxo Tejeria ganberaren presidenteak Bozeramaileen Batzordeko kideei gaur jakinarazi dienez.
Lehendakaria aukeratuta, honek karguaren zina egingo du Gernikako Batzar-etxean, azaroaren 26an.
Lehen bozketan gehiengo osoa (75 ordezkarietatik 38) lortu beharko du hautagaiak, eta halakorik ez erdiestekotan, 24 ordura beste bozketa bat izango da; kasu horretan nahikoa da gehiengo soila.
Ziur aski, bigarren bozketa horretan aukeratuko dute Urkullu lehendakari. Ikuskizun dago EAJren 28 legebiltzarkideen babesarekin bakarrik, edo PSE-EEren babesarekin.
Oraingoz EAJk bakarrik aurkeztu du hautagaia: Iñigo Urkullu jarduneko lehendakaria. EH Bilduk Maddalen Iriarte aurkezteko asmoa agertu zuen, baina oraindik ez du egin.
Elkarrekin Podemosek, bestalde, ez du erabaki oraindik lehendakarigaia aurkeztuko ote duen. Bi alderdiek arazoaren 18ra arteko epea dute horretarako.
Aukera honetaz galdetuta, Pili Zabala koalizioak Legebiltzarrean duen taldeko presidenteak aitortu duenez, EAJk eta EH Bilduk akordioa lortzen badute litekeena da Elkarrekin Podemosek lehendakarigaia aurkeztea.
Radio Euskadin egin dioten elkarrizketa batean azaldu duenez, "gaia aztertzen" dabiltza, eta erabakia inbestidura saioan aurreikusten den "eztabaida" motak baldintzatuko du.
Negoziazioak EAJren, PSE-EEren eta EH Bilduren artean
Josu Erkoreka Eusko Jaurlaritzaren jarduneko bozeramailearen hitzetan, inbestidura saiorako data ezarrita, PSE-EE eta EH Bildu alderdiekin abiatutako negoziazioak "areagotuko" ditu EAJk. Aitortu duenez, "ukaezinak diren ezberdintasunak" dituzte bi taldeokin, baina horiek gainditu nahi dituzte osatzeke dagoen Jaurlaritzaren gobernagarritasun ahalbideratzeko.
Legebiltzarrean bertan kazetarien aurrean egindako adierazpenetan, Erkorekak ez du argitu zein motako akordioa bilatu nahi duten, koalizio-gobernuarena edo bestelakoa.
Baikor mintzatu da Mikel Torres Bizkaiko PSEko idazkari nagusia. Haren esanetan, "ez da erraza, baina akordioa lortuko dugu EAJrekin, bien aldeok borondatea baitugu".
"Oraindik ez dugu akordioa itxi, baina lanean ari gara", azpimarratu du Radio Euskadin eskaini duen elkarrizketa batean. Azaldu duenez, desadostasun handiena autogobernu eta bizikidetza alorrean dute.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.