Sare: 'Presoen sakabanaketak gora egin du, ETAren amaieratik'
Euskal presoen eskubideen alde lan egiten duen Sare plataformak salatu du espetxe-politika egun okerragoa dela ETAk 2011n jarduera armatua amaitu zuenean baino. Sakabanaketak gora egin duela eta presoen % 95 lehen graduan mantentzen dituztela jakinarazi du.
Joseba Azkarraga bozeramaileak herritarrei deia egin die datorren urtarrilaren 14an sakabanaketa politikaren kontra Bilbon antolatu duten manifestazioan parte hartzeko.
Sarek kartzelatako egoerari buruz egindako txostenaren datuak azaldu ditu Azkarragak agerraldi batean.
Datu horien arabera, egun 348 preso daude Espainiako eta Frantziako 68 espetxetan sakabanatuta, eta horietako bi soilik daude Euskal Herriko presondegietan.
Presoak bataz beste Euskal Herritik 800 kilometrora aurkitzen dira. 49 preso Euskal Herritik 1.000 kilometro baino gehiagora daude espetxeratuta; 104 preso, 800-1.000 kilometrora; 135 preso, 500-790 kilometrora; eta 14 preso 400-490 kilometrora. 57 preso baino ez daude Euskal Herritik 400 kilometro baino gutxiagora.
Azkarragak adierazi du Euskal Herriko kartzeletara eramateko eskaera egin zutela presoek, baina eskaera horiek guztiak ukatu egin zituztela.
“Eskaera indibidualak egiteko exijitzen diete, baina gero ukapena kolektiboa izan da”, kritikatu du.
Bestalde, ETAko zazpi presok kalean egon beharko luketela esan du, Frantzian bete zuten zigorra kontuan hartu izan balitz.
Horrez gain, gaixotasun larriak dituzten presoak 11 direla esan du.
Amaitzeko, presoen bizi-baldintzak ere gogor salatu ditu; izan ere, ETAko presoen % 95 lehen graduan daude eta, ondorioz, ez dute eskubiderik onurak eskatzeko. Gainerako presoen kasuan % 1,5a soilik dago lehen graduan.
“ETAko presoei urratsak exijitzen dizkiete, Espainiako Gobernuak eta bere menpeko justiziak legea urratzen ari diren bitartean. Noiz arte?”, galdetu du Azkarragak.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.