Batasuna erakutsi nahi du PPk alderdiko biltzar nazionalean
PPk ostiral honetan, 16:00etatik aurrera, abiatuko du bere XVIII. Biltzar Nazionala. Asteburu osoa iraungo duen topaldian, alderdia bat eginda dagoela eta Mariano Rajoyk sendo dirauela erakutsi nahi dute. Popularrek egonkortasuna eskaintzen dutela eta neurrikoak direla erakutsi nahi dute, barne gatazkarik gabe.
Biltzarrean, bost ponentzia jorratuko dituzte (Politika eta Estutuen ingurukoa, Gizarte Ponentzia, Ekonomia eta Lurralde Administrazioari buruzkoa, Hezkuntza, Berrikuntza eta Kultura alorrekoa eta Europa eta munduan izan beharreko tokiari buruzkoa), eta bertan aztertzeko aurkeztu diren 4.000 zuzenketak adosten saiatu da PPren zuzendaritza nazionala azken asteetan, polemikak saihesteko asmoz eta lotu gabe dauden gaiak ahalik eta gutxien izan daitezen.
Zuzenketa horietako batzuen inguruan ezin izan dute adosasunik lortu. Horrenbestez, PPk honako gai hauek eztabaidatu eta bozkatu beharko ditu: karguak pilatzea, primarioak, haurdunaldi subrogatua, abortua eta non kokatu alderdiaren tradizio kristau humanista (estatutuen atarikoan edota artikuluetan bertan, hainbat zuzentzailek eskatzen duten legez).
PPko zuzendaritzan aldaketak egingo ote duen argitu gabe helduko da Rajoy hitzordura. Maria Dolores de Cospedalek alderdiko idazkari nagusi izaten jarraituko duen eta Javier Arenasek zuzendaritzan duen tokiari eutsiko dion, besteak beste, bertan argituko dute .
Larunbat arratsaldean emango ditu jakitera Rajoyk Batzorde Betearazlea osatuko duten 35 kideen izenak, baita Zuzendaritza Batzordea osatuko duten kideenak ere.
Karguak pilatzea: Cospedal jomugan
Bileraren aurreko asteetan, PPko hainbat ahotsek karguak pilatzearen inguruan aurrera egitea eta bateraezintasunak argitzea eskatu dute, eta ugariak izan dira horren inguruan aurkeztu diren zuzenketak.
Eztabaida horrek jomugan jarri du Maria Dolores de Cospedal, zuzenketa batek espresuki aipatzen baitu. Zuzenketa horren arabera, "militante bat, kargu bat" araua aplikatu beharko litzateke. Cospedal Defentsa ministroa, Gaztela-Mantxako presidentea eta PPko idazkari nagusia da.
Haurdunaldi subrogatua eta abortua
Gizarte gaien arloko ponentzian, haurdunaldi subrogatua eta abortua izango dira eztabaidagai nagusiak. Javier Maroto PPko Sektore Ekintzako idazkariordea eta bere lantaldea oraindik negoziatzen badaude ere, segurutzat jotzen da biltzarrera bizirik helduko diren zuzenketak egongo direla; hortaz, bozkatu egin beharko dituzte.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.