EiTB Focus: EAJk irabaziko lituzke berriro hauteskundeak
¿Euzko Alderdi Jeltzaleak irabaziko lituzke Eusko Legebiltzarrerako hauteskundeak orain berriro egingo balira, Euskal Irrati Telebistak herritarrek politika eta gizarte gaiei buruz duten iritzia jakiteko egiten duen EiTB Focus inkestaren emaitzek islatu dutenez.
Gizaker enpresak EiTBrentzat egindako ikerketa soziologikoaren arabera (1.200 elkarrizketa), EAJk eserleku bat irabaziko luke 2016ko iraileko emaitzekin alderatuta, eta EH Bilduk lortutako eserleku kopuruari (18) eutsiko lioke. PSE-EEk bi legebiltzarkide gehiago izango lituzke eta hirugarren indarra izango litzateke. Elkarrekin Podemos Eusko Legebiltzarreko laugarren indarra izatera pasatuko litzateke, bi eserleku galduta. Azkenik, PPk eserleku bat galduko luke.
Araban, EAJk eserleku bat gehiago eskuratuko luke, 8tik 9ra igarota, eta boto portzentajeari dagokionez, % 2 egingo luke gora. EH Bilduk bigarren indarra izaten jarraituko luke, 5 ordezkariei eutsita. PPk aulki bat galduko luke eta PSE-EEk, ostera, bat irabazi, baina popularrak sozialisten aurretik geratuko lirateke. Elkarrekin Podemos bosgarrena izango litzateke eta ordezkari bat galduko luke.
Bizkaian, garaipen argia lortuko luke berriro ere Euzko Alderdi Jeltzaleak eta egun duen ordezkari kopuruari eutsiko lioke. EH Bilduk ere, bigarren postuari eutsiko lioke eta 5 ordezkari izaten jarraituko luke. PSE-EE 3 eserleku izatetik 4 izatera igaroko litzateke; Elkarrekin Podemos, 4tik 3ra jaitsiko litzateke; eta PPk bosgarren postua lortuko luke berriro, bi ordezkari lortuta.
Iraileko emaitzekin alderatuta, aldaketa gutxien Gipuzkoan izango lirateke, EiTB Focus inkestaren arabera. Are gehiago, eserlekuen banaketa berdina litzateke, nahiz eta boto portzentajea pixka bat aldatu: EAJk eta PSE-EEk gora, EH Bilduk eta PPk eutsi eta Elkarrekin Podemosek behera.
Fitxa teknikoa
2017ko martxoko EiTB Focus inkestan Eusko Jaurlaritzako lehen 100 egunei eta boto asmoari buruz eta balorazio politikoaz eta Kontzertu Ekonomikoaz galdetu zaie herritarrei. Kontzertu Ekonomikoari buruzko emaitzak datorren astelehenean argitaratuko dira.
EiTBrentzat egindako ikerketarako, Euskal Autonomia Erkidegoan bizi diren 1.200 lagun galdekatu ditu Gizaker inkesta-etxeak (400 Araban, 400 Bizkaian eta 400 Gipuzkoan). Lagin osoaren akats tartea 2,83koa da eta konfiantza maila, ostera, % 95ekoa.
Lagina zoriz hautatu dute, eta lurralde historikoa, udalerria eta generoa kontuan hartuta sortu dute. Inkesten % 22,3 euskaraz egin dituzte eta beste % 77,7ak gaztelaniaz. Emaitzak herrien tamainaren arabera haztatu dituzte.
Inkestak otsailaren 22tik 24ra egin zituzten. Elkarrizketek, batez beste, 8 minutu eta erdi iraun zuten. Luzeena 22 minutukoa izan zen, eta laburrena, berriz, 6 minutukoa.
Zure interesekoa izan daiteke
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.