Ez dela 'damutzen' eta Gorenera eta Europara joko duela esan du Masek
Kataluniako Justizia Auzitegi Nagusiaren zigorra ezagutu ostean Artur Mas Generalitateko presidenteak aurreratu duenez, Auzitegi Gorenera eta Europara joko du. Gainera, ez dela egindakoaz damutzen eta beste galdeketa bat antolatuko lukeela azpimarratu du. Kataluniako Justizia Auzitegi Nagusiak kargu publikorako bi urteko gaitasungabetzea ezarri dio.
PDeCAT alderdiaren egoitzan eginiko prentsaurrekoan, hainbat lagun izan ditu alboan: berarekin batera zigortuak izan diren Joana Ortega eta Irene Rigau kontseilari ohiak, Carles Puigdemont Generalitatek presidentea, Francesc Homs PDeCAT alderdiak Diputatuen Kongresuan duen bozeramailea eta alderdiko beste buruzagi batzuk. Guztiek ere "Ho tornaria a fer" (Berriz egingo nuke) lema zuen txapa bat zeramaten paparrean.
Salatu duenez, "legea ez da denentzat berdina". Haren esanetan, Espainiako Gobernuak Auzitegi Konstituzionalaren epaiak desobeditu izan ditu eta ez da horregatik zigortua izan.
2014ko azaroaren 9ko galdeketan erabilitako boto kutxa horietako baten alboan, Espainiakoa demokrazia "anputatua" dela salatu du. Hori dela eta, Auzitegi Gorenean helegitea jarriko duela eta auzibidea "Estrasburgora, Europaren bihotzera" eramango duela iragarri du.
Soberanistei "irmotasuna eta determinazioa" eskatzeaz gain, epaia ez dela irmoa eta Estatuaren aurrean "zutik" egongo direla azpimarratu du.
Espainiako legediaren barruan berriro ere hautagai izatea baztertu du Masek
Auzitegi Gorenak Kataluniako Justizia Auzitegiaren epaia berresten badu, Espainiako egungo legediaren baitan berriro ere hautagai izatea baztertu du Artur Masek. Hala ere, ez du baztertzen balizko independentzia egoera batean berriro ere hautagai izatea.
Puigdemont: 'Prozesua sendotu du zailtasun honek"
Carles Puigdemont Kataluniako presidenteak uste du gaur kaleratutako epaiak prozesu subiranista "indartu" duela. Horren hitzetan, burujabetzarako bidean jarritako "zailtasunek" prozesua "sendotu" egiten dute.
Masek, Ortegak eta Rigauk goizean egindako agerraldian hartu du parte Puigdemontek. Hitzaldi labur batean, Kataluniako Gobernuak independentziaren inguruan galdeketa egiteko hartutako "konpromisoa" berretsi du. Herriari emandako hitza beteko dutela agindu du.
"Honaino iritsi bagara, era guztietako zailtasunei aurre egiten jakin dugulako izan da. Oraingo hau ere gaindituko dugu", esan du. Kataluniako presidentearen aburuz, azken oztopo hau prozesua indartzeko "akuilu izango da".
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.