Euskal Herriko 35 udalerri, erabakitzeko prest
124.062 herritarrek dute gaur Gure Esku Dago herri-plataformak deitutako galdeketetan parte hartzeko aukera. Erabakitzeko eskubidearen gaineko herri-galdeketak izango dira, eta gaurko hitzorduan 35 udalerritan izango dira, hala nola, Oarsoaldean, Tolosaldean, Buruntzaldean eta Larrabetzun.
Azken hilabeteotan, herriz herri eta auzoz auzo saretu dituzten "konplizitateak eta akordioak" azpimarratu dituzte plataformako kideek. Hori dela eta, "prozesuaren zilegitasuna" nabarmendu nahi izan dute, eta galdeketak "berme guztiekin" egingo direla. Horretarako, sistema informatiko bat erabiliko dute, "pertsona batek bi aldiz bozkatzen ez duela bermatzeko".
Gainera, antolaketa lanetan 2.000 boluntario baino gehiagok parte hartuko dute, eta nazioarteko zein Euskal Herriko begiraleak egongo dira egun osoan zehar prozesua aztertzen.
Bestalde, errolda egiteko, udalerri bakoitzeko 16 urtetik gorako herritarrak zenbatu dituzte. Bozketa egiteko 79 hautesleku irekiko dituzte, 101 mahairekin, 09:00etatik 20:00etara.
Hauek dira egingo diren galderak
-Tolosaldea: Nahi al duzu euskal estatu burujabe bateko herritarra izan?
- Oarsoaldea
Lezo: Nahi al duzu euskal estatu libre bateko herritarra izan?
Oiartzun: Nahi al duzu euskal estatu bateko herritarra izan?
Pasaia: Nahi al duzu Euskal Herri burujabe bateko herritarra izan?
Errenteria: 1) Ados zaude euskal errepublika burujabe bat eratzearekin? 2) Aurreko erantzuna baiezkoa bada, ados zaude independentea izatearekin?
-Astigarraga eta Hernani: Nahi al duzu Euskal Herria errepublika burujabea eta independentea izatea?
-Larrabetzu: Euskal estatu burujabe bateko herritar izan gura dozu?
Babesak
Gure Esku Dago herri-plataformako kideek galdeketetan parte hartzera animatu ditu herritarrak. "Erabakia gure esku dagoela aldarrikatzetik gure esku dagoela erakustera jauzi egingo dugu igandean", esan dute antolatzaileek.
Babesak politika alorratik ere etorri dira: EAJk eta EH Bilduk Gipuzkoako Batzar Nagusietan dituzten taldeek urgentziazko ebazpena adostu zute, joan den astean, herri-galdeketei babesa adierazteko.
Jarraipen berezia eitb.eus-en
Eitb.eus-ek jarraipen zabala eskainiko du egunean zehar bozketen inguruan, eta emaitzak jakinaraziko ditu 22:00etatik aurrera.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.