ETAren armagabetzea 'legezkoa' izango dela esan du Jaurlaritzak
Jonan Fernandez Eusko Jaurlaritzako Bake eta Bizikidetzarako idazkariak gaur adierazi duenez, iragarri den ETAren armagabetzea "legezkoa" da, ETAren armategiei buruzko informazioa Frantziako Justiziari emango baitzaio. Halaber, Espainiako eta Frantziako gobernuei eskatu die onar dezatela "albiste on hori gauzatu ahal izatea".
ETBri emandako elkarrizketa batean, Fernandezek onartu egin du Eusko Jaurlaritza prest dagoela ETAren armagabetzeari babes instituzionala emateko, baldin eta indarkeriaren amaieraren prozesu ordenatua bada eta, betiere, legezko printzipioen barruan eta ezeren ordainetan eginez gero.
Helburu hori gauzatze aldera zuzendu izango lirateke Iñigo Urkullu lehendakariak Mariano Rajoy Espainiako presidentearekin izandako kontaktuak.
"Armagabetze prozesu hori legezkotasunaren barruan egin dadila nahi dugu, eta Frantziako Gobernuak gauza bera esan du. Egun, hori ez da gauza negatiboa", zehaztu du Fernandezek.
Fernandezen esanetan, "oso garrantzitsua da azpimarratzea legezkoa den eta aldi bakarrean egingo den armagabetze prozesu baten aurrean gaudela. Legezkoa izateak esan nahi du ETAren armategiei buruzko informazioa Frantziako Justiziaren esku jarriko dela".
Ildo horretatik, gaineratu du Eusko Jaurlaritzak "erabaki eta prozedura horri emango diola babes instituzionala".
Behin armagabetzearen urratsa emanda, Fernandezek uste du agertoki berri baten aurrean egongo garela, orain dagoenaren aldean desberdina eta hobea izango dena. Orduan, bere kabuz eroriko da ETAren desegitearen beharrizana", erantsi du.
Bestalde, berariazko eskaria egin dien Espainiako eta Frantziako gobernuei: "albiste on hori gauzatu ahal izatea onar dezatela".
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.