Hiru gizon atxilotuta Bartzelona eta Valentzian jihadismoarekin lotuta
Hiru pertsona atxilotu dituzte gaur, asteazkena, Roda de Ter (Bartzelona) eta Benetusserren (Valentzia), muturreko jihadismoarekin lotutako delituak leporatuta, zenbait informazioren arabera.
Esquadra Mossoek egin dituzte Bartzelonako atxiloketak eta, gainera, hiru etxebizitza miatu dituzte aipatutako udalerrian, terrorismo jihadistaren aurkako polizia-ekintza batean.
Operazioa 04:00etan hasi da eta ikerketa Auzitegi Nazionaleko 3 zenbakiko Epaitegi Zentralak koordinatu du.
Marokoar jatorrizkoak dira biak eta sare sozialetan jendea erakarri eta erradikalizatzea leporatu diete.
Valentzian, Polizia Nazionaleko Informazio Komisaria Nagusiko agenteek 45 urteko gizon bat atxilotu dute, marokoarra baina espainiar nortasunarekin, indarkeriazko ekintzak erakusten zituzten edukiak zabaltzeagatik, hasieran Al Kaidaren aldekoak eta, ondoren, Estatu Islamikoaren aldekoak.
Valentzian gaur egindako operazioa. Argazkia: EFE
Barne Ministerioaren arabera, atxilotua 'hitzaren jihadeko' kide aktiboa da eta egindako ekintzengatik segurtasun publikoaren aurkako mehatxu erreal bihurtu da, sare sozialak doktrinatze terrorista egiteko erabiltzen zuelako.
Zenbait profil birtualen eta borroka jihdasitarekin lotutako izenak erabilita, atxilotuak borroka taktikan trebatzeko mezuak bidaltzen zituen, eta EIkoak Europan, Sirian eta beste herrialdeetan egindako atentatuak goraipatu. "Jihad zeregin saihestezina da" eta "Shariaren, borrokaren eta etsaiaren aurkako ekintzaren inposizioa", esan zituen, besteak beste.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan eta zenbaitetan lehia estua espero da
Baionan eta Biarritzen aliantzak lortu dituzte asteon bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez da akordiorik lortu, eta hautagaitza bakoitzak bere bidea egingo du.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.