Mas: 'Ez nuen erantzukizun zuzenik alderdiaren finantza alorrean'
Artur Mas Generalitateko presidenteak nabarmendu duenez, berak ez zuen "erantzukizun zuzenik CDCren finantza alorrean", diruzaina ibiltzen baitzen lanotan, "mugagabe". Onartu du, ordea, Palau auzian akusatuta dagoen Daniel Osacar diruzaina berak izendatu zuela, eta beraz, erantzukizun politiko hori berea dela. Halaber, Osacarrengan "erabateko konfiantza" duela azpimarratu du.
Kataluniako Parlamentuko erakunde-gaietarako batzordean agerraldia egin du Masek, oposizioko taldeek eskatuta. 'Palau auzia' hizpidera atera da berriki, akusatuetako bik, Felix Milletek eta Jordi Montullek, CDC alderdiak % 3ko legez kanpoko komisioak jaso zituela aitortu baitute epaiketan.
CDC alderdiaren finantzazioa susmopean jarri zuen auziak. Alderdiak % 3ren eta % 4ren arteko komisioak kobratu ei zituen Musikaren Jauregiaren bitartez, obra publikoak esleitzearen truk.
"Nik ez nuen erantzukizun zuzenik alderdiaren alor administratibo, juridiko eta finantzarioan", esan du Masek. Erantzukizunen bat izatekotan, Osacar diruzain izendatzean izan zuen: "Pertsona honengan nuen eta dudan konfiantza erabatekoa da".
Ituna Fiskaltzarekin
Masen hitzetan, Osacarrek ez du bere bertsioa aldatu, gainerako akusatuek ez bezala. Milleten eta Montullen bertsio aldaketa Fiskaltzarekin egindako itun bati egotzi dio presidente ohiak.
"Akusatu batzuek euren lehen bertsioa aldatzea adostu zuten Fiskaltzarekin zigor eskaerak jaisteko. Hau da auziaren berrikuntza bakarra", nabarmendu du.
'Palau auziko' epaiketan deklaratzera deitu ez dutela esan du Masek, eta CDCren finantza arloan "erantzukizun zuzenik" izan balu, epaileek deituko zutela azpimarratu du.
Epaiketa abian dela, Parlamentuan agerraldia egitea "injerentzia" dela uste du Masek, baina halakoetan "aurpegia ematearen" alde dagoela argudiatu du.
2015ean ere azalpenak eman zituen Masek Parlamentuan. Orduko hartan %3ko komisiorik egon ez zela nabarmendu zuen.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.