Carme Chacon zendu da, Zapaterorekin Defentsa ministro izan zena
Carme Chacon Defentsa ministro ohia zendu da igande honetan Madrilen, Polizia iturriek jakitera eman dutenez.
Bere gertuko batek larrialdi zerbitzuei abisu eman die 19:30 aldera, orduak baitzeramatzan Chaconekin harremanetan jarri ezinik.
Madrilgo Udaltzainak eta Suhiltzaileak Chaconen etxebizitzara bertaratu eta etxean sartu dira. Bertan, larrialdi zerbitzuetako medikuek hilda zegoela baieztatu dute. Polizia iturriek zabaldu dutenez, arrazoi naturalengatik zendu da. Chaconek bihotzeko gaitz bat zuen jaio zenetik.
Esplugues de Llobregat (Bartzelona) herrian jaio zen 1971. urtean. Defentsa Ministro bihurtu zen lehendabiziko emakumea izan zen. 2008an eskuratu zuen kargu hori Jose Luis Rodriguez Zapatero Espainiako presidente zela. Etxebizitzako ministro ere izan zen 2007an, hori ere Zapaterorekin.
Kongresuko presidenteorde karguan ere izan zen. PSOE barruan Alfredo Perez Rubalcabari Idazkaritza Nagusia lehiatu zion 2012an, eta 2016ra arte Nazioarteko Harremanetarako Idazkaritzan jardun zuen.
Hain zuzen ere, urte horretan uko egin zion ekainaren 26ko hauteskunde orokorretarako zerrendetan parte hartzeari, eta diputatuaren akta utzi zuen Madrilgo abokatu bulego batean lan egiteko.
"Bideak ireki zituen emakumeentzat"
Idoia Mendia PSE-EEko idazkariak atsekabea agertu du Twitter sare sozialean Carme Chacon alderdikidearen heriotzagatik. Berari buruz adierazi du emakumeentzat bideak ireki zituela, Espainiako historian Defentsa ministro bihurtu zen lehen emakumea izan zela gogoan hartuta.
Bere aldetik, Patxi Lopez PSOEko idazkari nagusi izateko hautagaia denak eta lehendakari izandakoak gertatutakoarekin "erabat hunkituta" dagoela esan du sare sozial berean. Azaldu duenez,Chacon "sozialista aparta izateaz gain, lagun bat zen". Albiste ikaragarria", gaineratu du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.